Exodo 13:5 - Ti Baro a Naimbag a Damag Biblia

⁵ Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Ti Biblia (1973)

⁵ Ket maaramidto, a no ni Jehova iserrecnacanto iti daga ti Cananeo, ken ti Heteo, ken ti Amorreo, ken ti Hebeo, ken ti Jebuseo, isu a sinapataanna cadagiti dadackelmo nga itedna kenca, maysa a daga a pagayusan ti gatas ken diro, salimetmetamto daytoy nga annungen iti daytoy a bulan.

Exodo 13:5 Iomraidhean Croise

Genesis 26:3

Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

Genesis 50:24

Kinunana kadagiti kakabsatna, “Dandanin ti ipapatayko, ngem awan pagdanaganyo ta aywanannakayo ti Dios. Ipanawnakayo iti daytoy a daga ket ipannakayo iti daga a sinapataanna nga ited kada Abraham, Isaac ken Jacob.”

1 Cronicas 1:15

Heveo, Arkeo, Siniteo,

Exodo 12:24

Tungpalenyo dagitoy nga alagaden kas mataginayon a bilin kadakayo ken kadagiti annakyo.

Exodo 13:10

Tinawen a rambakanyo daytoy a fiesta iti naituding a tiempo.”

Exodo 13:11

Intuloy ni Moises, “Ipannakayto ti Apo iti daga dagiti Cananeo nga insapatana nga ited kadakayo ken kadagiti kapuonanyo. Inton maitedna kadakayo dayta a daga,

Exodo 3:17

Inkeddengko nga iruarko ida idiay Egipto ket ipanko ida iti daga dagiti Cananeo, Heteo, Amorreo, Perezeo, Heveo ken Jebuseo. Nadam-eg ken nabunga dayta a daga.

Exodo 3:8

Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 33:1

Kinuna ni Yahweh ken ni Moises, “Pumanawkayo ditoy, sika ken dagiti tattao nga inruarmo idiay Egipto, ket inkay iti daga nga inkarik kada Abraham, Isaac ken Jacob nga ited kadagiti kaputotanda.

Exodo 34:11

Tungpalenyo dagiti bilin nga itedko ita nga aldaw. Iti isusungadyo, papanawekto dagiti Amorreo, Cananeo, Heteo, Perezeo, Heveo ken Jebuseo.

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 6:8

Ipankayto iti daga nga insapatak nga ited kada Abraham, Isaac ken Jacob. Itedkonto a kukuayo. Siak ni Yahweh.’”

Jeremias 11:5

Iti kasta, tungpalek ti karik kadagiti kapuonanda iti pannangtedko kadakuada iti nabaknang ken nadam-eg a daga a kukuada itan.” “Wen, O Apo,” kinunak.

Jeremias 32:22

Intedmo kadakuada daytoy nabaknang ken nadam-eg a daga kas inkarim kadagiti kapuonanda.

Ezekiel 20:6

Insapatak iti daydi met la nga aldaw nga iruarko ida idiay Egipto ket ipanko ida iti insaganak a daga, daga a nabaknang ken nadam-eg ken daga a kasayaatan.

Levitico 20:24

Ngem inkarik a tagikuaenyo daytoy nabaknang ken nadam-eg a daga, ket siak ti mangted iti daytoy a daga kadakayo. Siak ni Yahweh a Diosyo, ket pinilikayo kadagiti sabali a pagilian.

Numero 11:12

Saan a siak ti nangyanak kadakuada! Apay a kiddawem nga agbalinak a paraaw-awir ket ubbaek ida a kas ubbing tapno ipanko ida iti daga nga inkarim nga ited kadagiti kapuonanda?

Numero 13:27

Kinunada ken ni Moises, “Sinukimatmi ti daga, ket nasarakanmi a nabaknang ken nadam-eg. Adtoy ti sumagmamano kadagiti bunga.

Numero 14:16

a pinapataymo dagiti tattaom iti let-ang, agsipud ta dimo kabaelan nga ipan ida iti daga nga inkarim nga ited kadakuada.

Numero 14:30

Inkarik nga agnaedkayto sadiay, ngem awanto ti uray maysa a makagteng sadiay malaksid kada Caleb ken Josue.

Numero 32:11

‘Gapu ta dida nagtalinaed a napudno kaniak, awanto ti agtawen iti 20 wenno nasursurok a rimmuar iti Egipto a sumrek iti daga nga inkarik kada Abraham, Isaac ken Jacob.’

Deuteronomio 12:29

“Kalpasan a dinadael ti Apo a Diosyo dagiti nasion a serkenyo ket nasakupyon ti dagada,

Deuteronomio 19:1

Intuloy ni Moises, “Kalpasan ti panangparmek ti Apo a Diosyo kadagiti tattao nga agnaed iti daga nga itedna a tagikuaenyo ken nasakupyon dagiti siudad ken balbalayda ket agtaengkayon sadiay,

Deuteronomio 26:1

Intuloy ni Moises, “Kalpasan ti panangsakupyo iti daga nga ited kadakayo ti Apo a Diosyo ket agnaedkayon sadiay,

Deuteronomio 7:1

“Ipannakayto ti Apo a Diosyo iti daga a tagikuaenyo. Pagtalawennanto dagiti adu a tattao nga agnaed sadiay. Iti isusungadyo, paksiatennanto ti pito a nasion a dakdakkel ken nabilbileg ngem dakayo: dagiti Heteo, Gergeseo, Amorreo, Cananeo, Perezeo, Heveo ken dagiti Jebuseo.

Josue 24:11

Binallasiwyo ti Jordan ket dimtengkayo idiay Jerico. Ginubatdakayo dagiti taga-Jerico kasta met dagiti Amorreo, dagiti Perezeo, dagiti Cananeo, dagiti Heteo, dagiti Gergeseo, dagiti Heveo ken dagiti Jebuseo. Ngem pinagballigikayo.