Exodo 13:19 - Ti Baro a Naimbag a Damag Biblia

¹⁹ Intugot ni Moises dagiti tulang ni Jose ta pinagsapata idi ni Jose dagiti Israelita nga aramidenda ti kasta. “Inton ispalennakayo ti Dios,” kinuna idi ni Jose, “ket panawanyo daytoy a lugar, itugotyonto dagiti tultulangko.”

Ti Biblia (1973)

¹⁹ Ket ni Moises incuyogna dagiti tultulang ni Jose: ta pinagsapatana iti nainget idi dagiti annac ti Israel, a cunana, Ti Dios sarungcarannacayto a di agcurang; ket icuyogyonto dagiti tul-tulangco no agtalawcayo ditoy.

Exodo 13:19 Iomraidhean Croise

Genesis 48:21

Kalpasanna, kinuna ni Jacob ken ni Jose, “Dandaniakon matay, ngem addanto ti Dios kadakayo ket isublinakayto iti daga dagidi kapuonanyo.

Exodo 4:31

Namatida. Idi nangngegda a sinarungkaran ida ni Yahweh ket nakitana ti pannakaparparigatda, nagdumogda sada nagdaydayaw.

San Lucas 1:58

Nadamag dagiti kaarruba ken kakabagianna ti nakaskasdaaw a kinaimbag ti Apo kenkuana. Nakipagragsakda amin kenkuana.

San Lucas 7:16

Nagbuteng dagiti amin a tattao ket indaydayawda ti Dios. “Nagparang kadatayo ti maysa a naindaklan a profeta!” kinunkunada. “Immay ti Dios a mangisalakan kadagiti tattaona!”

Dagiti Aramid 7:15

“Napan ngarud ni Jacob idiay Egipto ket sadiay ti nakatayanna agraman dagiti kapuonantayo.

Dagiti Aramid 7:16

Naipan dagiti bangkayda idiay Sikem, ket naikabilda iti tanem a ginatang ni Abraham kadagiti annak ni Hamor.

Hebreo 11:22

Babaen iti pammati, sakbay ti ipapatay ni Jose, imbagana ti ipapanaw dagiti Israelita idiay Egipto. Imbilinna met ti aramidendanto iti bangkayna.

Josue 24:32

Naikali met idiay Sikem dagiti tultulang ni Jose nga innala idi dagiti Israelita idiay Egipto. Inkalida iti sakup ti daga a ginatang ni Jacob kadagiti annak ni Hamor, ti tatang ni Sikem, iti sangagasut a bagi ti pirak. Tinawid dagiti kaputotan ni Jose ti daga.