Exodo 13:17 - Ti Baro a Naimbag a Damag Biblia

¹⁷ Idi pinalubosan ti ari ti Egipto a pumanaw dagiti Israelita, saan nga inturong ti Dios ida iti dalan iti igid ti baybay nga agpa-Filistia, nupay as-asideg a pagnaenda. Kinuna ti Dios, “Diak kayat nga agbabawi dagiti tattao ket agsublida idiay Egipto inton maammoanda a masapul a makigubatda.”

Ti Biblia (1973)

¹⁷ Ket naaramid nga idi ni Faraon pinalubosanna ti umili a pimmanaw, ti Dios dina inturong ida iti dalan ti daga dagiti Filisteos, nupay no asideg daydiay idi; ta ti Dios kinunana, Di la ket ta dagiti tattao agbabawidanto no makitada ti gubat ket agsublida sadiay Egipto.

Exodo 13:17 Iomraidhean Croise

1 Ar-ari 8:47

ipangagmo koma ti kararag dagiti tattaom. Iti dayta a daga, no agbabawi ken agkararagda ket ipudnoda kenka ti kinamanagbasol ken kinadakesda, ipangagmo koma, O Apo, dagiti kararagda.

Nehemias 9:17

Dida kinayat ti agtulnog, nalipatanda dagiti amin nga inaramidmo; nalipatanda dagiti pinarnuaymo a milagro. Iti kinatangsitda, pimmilida iti pangulo a mangisubli kadakuada idiay Egipto tapno agbalinda manen a tagabu. Ngem sika ti Dios a mamakawan, naasi ken naayatka, ket saanka a nalaka nga agpungtot. Naindaklan unay ti panangngaasim, saanmo a binaybay-an ida.

Exodo 14:10

Idi makita dagiti Israelita ti ari ken ti armadana a kumamkamat kadakuada, kasta unay ti butengda ket immawagda ken ni Yahweh.

Dagiti Aramid 15:38

ngem inkeddeng ni Pablo a saan a nasayaat nga ikuyogda gapu ta saan a nakikadkadua kadakuada agingga a nalpas ti trabahoda no di ket nagsubli ket pinanawanna ida idiay Pamfilia.

Dagiti Aramid 7:39

“Ngem saan a nagtulnog kenkuana dagiti kapuonantayo. Inwalinda ket tinarigagayanda ti agsubli idiay Egipto.

Deuteronomio 17:16

Maiparit a maaddaan ti ari iti adu a kabalio nga usaren ti armadana; saan a mapalubosan nga agpagatang kadagiti kabalio idiay Egipto. Imbaga ti Apo a saankayon nga agsubli sadiay.

Deuteronomio 20:8

“Kunanto pay dagiti ofisiales: ‘Adda kadi kadakayo ti mabuteng wenno napukawna ti tured-pakinakemna? No adda, masapul nga agawiden tapno di met tumakrot dagiti dadduma.’

Deuteronomio 28:68

Mailugankayto kadagiti barko ket isublinakayto ti Apo idiay Egipto nupay inkarina idi a saankayon nga agsubli sadiay. Kayatyonto a mailakokayo sadiay a kas tagabu kadagiti kabusoryo ngem awanto ti mayat a gumatang kadakayo.”

Hebreo 11:27

Gapu ta adda pammati ni Moises, pimmanaw iti Egipto a di nagbuteng iti pungtot ti ari. Dina kinayat ti agsubli ta kasna la kitkitaen ti Dios a di makita.

Uk-ukom 7:3

Ipakaammom kadakuada a no adda mabuteng, pumanaw iti Bantay Gilboa ket agawid.” Iti kasta, nagawid ti 22,000 ngem nagbati ti 10,000.