Exodo 13:16 - Ti Baro a Naimbag a Damag Biblia

¹⁶ Agbalinto daytoy a pakalaglagipan, kas maysa a banag a maiputipot iti imatayo wenno iti mugingtayo; ipalagipnanto kadatayo nga inruarnatayo ti Apo idiay Egipto babaen iti dakkel a pannakabalinna.”

Ti Biblia (1973)

¹⁶ Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:16 Iomraidhean Croise

Nehemias 1:10

“O Apo, dagitoy dagiti adipenmo, wen, dagiti tattaom. Inispalmo ida babaen iti naindaklan a pannakabalin ken bilegmo.

Dagiti Salmo 136:11

Inruarna dagiti Israelita idiay Egipto; agnanayon ti di agbaliw nga ayatna.

Exodo 12:13

Agpaayto ti dara a kas pagilasinan: Labsakto dagiti amin a balbalay a makitak nga adda dara kadagiti baotekna. Awanto ti pakaan-anoanyo inton dusaek ti Egipto.

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 13:14

Iti masakbayan, no saludsodento ti anakyo no ania ti kayat a sawen daytoy, kunayonto, ‘Babaen iti dakkel a pannakabalinna, inruarnakami ti Apo idiay Egipto, ti lugar a nakatagabuanmi.

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Exodo 6:1

Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Dagiti Proverbio 6:21

Imulam iti panunotmo ti saoda ket ipempenmo ida ita pusom.

Daniel 9:15

“O Apo a Diosmi, impakitam ti pannakabalinmo babaen iti panangiruarmo kadagiti tattaom idiay Egipto, ket agingga ita, malaglagip pay laeng ti pannakabalinmo. Nagbasolkami. Dakes ti inaramidmi.

San Mateo 23:5

Aramidenda amin tapno madlaw dagiti tattao a relihiosoda. Kitaenyo ti kaakaba ti nakaisuratan dagiti paset ti Nasantoan a Surat nga adda kadagiti muging ken takiagda! Kitaenyo ti kagayad ti baruyboy dagiti kawesda!

Dagiti Aramid 13:17

Ti Dios dagiti Israelita ti nangpili kadagidi kapuonantayo ket pinagbalinna ida a naindaklan a pagilian bayat ti panagnaedda a kas ganggannaet idiay Egipto. Inruarna ida sadiay babaen iti naindaklan a pannakabalinna.

Deuteronomio 11:18

“Imulayo dagitoy a bilin kadagiti puso ken panunotyo. Igalutyo kadagiti takkiagyo ken ikabilyo kadagiti mugingyo a kas palagip.

Deuteronomio 26:8

Babaen iti naindaklan a pannakabalinna, impanawnakam idiay Egipto. Nagiparang kadagiti milagro ken datdatlag a pasamak. Nakabutbuteng dagiti pasamak a pinarnuayna.

Deuteronomio 5:15

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Deuteronomio 6:21

Kastoyto ti isungbatyo kadakuada, ‘Tagabukami idi ti ari ti Egipto ket inispalnakami ti Apo babaen iti naindaklan a pannakabalinna.

Uk-ukom 2:12

Tinallikudanda ni Yahweh a Dios dagiti kapuonanda, ti Dios a nangiruar kadakuada idiay Egipto; nagserbida kadagiti didiosen dagiti tattao iti likmutda. Nagrukbabda kadagitoy a didiosen. Nakapungtot ni Yahweh kadakuada.