Exodo 13:15 - Ti Baro a Naimbag a Damag Biblia

¹⁵ Idi impatangken ti ari ti Egipto a dinakami palubosan, pinatay ti Apo ti amin nga inauna nga anak a lalaki iti daga ti Egipto, tao ken animal. Daytoy ti gapuna nga idatontayo iti Apo ti amin nga inauna nga anak a lalaki dagiti animal, ngem subbotentayo ti inauna a lalaki nga anaktayo.’

Ti Biblia (1973)

¹⁵ Ket naaramid a idi a sinukir ni Faraon ti panangpalubosna cadacami ni Jehova pinatayna sadiay daga nga Egipto amin nga annac a inauna, inaunaan man ti tao ken inaunaan ti animal: isu ti gapuna nga idatonco ken Jehova amin a manglucat iti aanacan, no lalaki; ngem amin nga inauna cadagiti annacco a lallaki subbotec.

Exodo 13:15 Iomraidhean Croise

Dagiti Salmo 105:36

Idiay Egipto, pinatayna dagiti inauna nga annak iti amin a familia.

Exodo 12:29

Iti tengnga ti rabii, pinapatay ni Yahweh dagiti amin nga inauna nga annak a lallaki iti Egipto manipud iti anak ti ari nga agtawid iti trono agingga iti anak ti balud; napapatay met amin nga inauna nga annak dagiti animal.

Exodo 3:19

Ammok a dinakayto palubosan ti ari malaksid no mapilit.

Exodo 34:20

Ngem masapul a subbotenyo ti inauna nga anak ti asno babaen iti pannangtedyo iti maysa a karnero a kas sukatna. No diyo subboten ti asno, rungdoenyo ti tengngedna. Subbotenyo ti amin nga inauna nga anakyo. “Saankayo nga umay kaniak no awan datonyo.

Exodo 4:23

Ibagak kenka a palubosam a pumanaw tapno agdaydayaw kaniak ngem dimo pinalubosan. Ita, patayek ti inauna nga anakmo a lalaki.’”

Numero 18:15

“Kukuayo amin nga inauna nga anak ti tao wenno animal nga idaton kaniak dagiti Israelita. Ngem masapul a subboten ti inauna nga anak ti tao ken ti inauna nga anak ti animal a narugit iti imatang ti linteg.

Numero 3:46

Ad-adu dagiti inauna nga annak dagiti Israelita ngem dagiti annak dagiti Levita. Agdagup iti 273 ti pagad-aduanda ket masapul a masubbot dagitoy.