Exodo 13:14 - Ti Baro a Naimbag a Damag Biblia

¹⁴ Iti masakbayan, no saludsodento ti anakyo no ania ti kayat a sawen daytoy, kunayonto, ‘Babaen iti dakkel a pannakabalinna, inruarnakami ti Apo idiay Egipto, ti lugar a nakatagabuanmi.

Ti Biblia (1973)

¹⁴ Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:14 Iomraidhean Croise

Genesis 30:33

Iti masakbayan, nalakamto a matakuatan no inallilawka. No umaymonto kitaen dagiti tangdanko nga animal, ket makitamto nga adda nailaok a saan a labang ken turikturikan a kalding wenno saan a nangisit a karnero, maammoamto a tinakawko daytoy kenka.”

1 Cronicas 16:12

Dakayo a kaputotan ni Jacob nga adipen ti Dios, kaputotan ni Israel a pinili ti Dios, lagipenyo dagiti milagro nga inaramidna ken dagiti pangngeddeng nga impaulogna.

Nehemias 1:10

“O Apo, dagitoy dagiti adipenmo, wen, dagiti tattaom. Inispalmo ida babaen iti naindaklan a pannakabalin ken bilegmo.

Dagiti Salmo 136:11

Inruarna dagiti Israelita idiay Egipto; agnanayon ti di agbaliw nga ayatna.

Dagiti Salmo 145:4

Maidaydayawto dagiti aramidmo iti tunggal kaputotan; ipakaammodanto dagiti gapuanam a naindaklan.

Dagiti Salmo 78:4

Ditay ilimlimed ida kadagiti annaktayo, no di ket isaritatayo kadagiti kaputotan a sumarsaruno ti pannakabalin ken naindaklan a gapuanan ti Apo, agraman dagiti nakaskasdaaw nga aramidna.

Exodo 10:2

Inaramidko dagitoy a milagro tapno masaritamto kadagiti annakmo ken appokom no kasano ti panamagbalinko a maag dagiti Egipcio ket iti kasta, maammoanyonto amin a siak ni Yahweh.”

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 13:8

Inton mangrugi ti fiesta, ibagayo kadagiti annakyo nga aramidenyo daytoy kas panglagip iti panangispal ti Apo kadakayo idi impanawnakayo idiay Egipto.

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Exodo 20:2

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 6:1

Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Exodo 6:6

Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Jeremias 34:13

a Dios ti Israel nga ibagak kadagiti tattao, “Nakitulagak kadagidi kapuonanyo idi iruarko ida idiay Egipto a nakatagabuanda. Imbagak kadakuada

Daniel 9:15

“O Apo a Diosmi, impakitam ti pannakabalinmo babaen iti panangiruarmo kadagiti tattaom idiay Egipto, ket agingga ita, malaglagip pay laeng ti pannakabalinmo. Nagbasolkami. Dakes ti inaramidmi.

Dagiti Aramid 13:17

Ti Dios dagiti Israelita ti nangpili kadagidi kapuonantayo ket pinagbalinna ida a naindaklan a pagilian bayat ti panagnaedda a kas ganggannaet idiay Egipto. Inruarna ida sadiay babaen iti naindaklan a pannakabalinna.

Deuteronomio 5:15

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Deuteronomio 5:6

‘Siak ni Yahweh a Diosyo a nangiruar kadakayo idiay Egipto, ti daga a nakatagabuanyo.

Deuteronomio 6:12

ikagumaanyo a diyo lipaten ti Apo a nangiruar kadakayo idiay Egipto a nakatagabuanyo.

Josue 22:24

Inaramidmi ti kastoy amangan no iti masakbayan, kunanto dagiti kaputotanyo kadagiti annakmi, ‘Ania ti bibiangyo iti Apo a Dios ti Israel?

Josue 24:17

Ti Apo a Diostayo ti nangiruar kadatayo ken kadagidi kapuonantayo a naadipen idiay Egipto, ket nakitatayo dagiti milagro nga inaramidna. Sinalaknibannatay iti sadinoman a napanantayo, kadagiti amin pagilian a nagdaliasatantayo.

Josue 4:6

Agpaayto dagitoy a bato a pakalaglagipan dagiti tattao iti inaramid ti Apo. Iti masakbayan, inton saludsoden dagiti annakyo ti kaipapanan dagitoy,

Uk-ukom 2:12

Tinallikudanda ni Yahweh a Dios dagiti kapuonanda, ti Dios a nangiruar kadakuada idiay Egipto; nagserbida kadagiti didiosen dagiti tattao iti likmutda. Nagrukbabda kadagitoy a didiosen. Nakapungtot ni Yahweh kadakuada.

Uk-ukom 6:8

nangibaon iti profeta a nangibaga kadakuada: “Kastoy ti kuna ni Yahweh a Dios ti Israel, ‘Inruarkay idiay Egipto a nakaadipenanyo.