Exodo 13:13 - Ti Baro a Naimbag a Damag Biblia

¹³ Ngem masapul a subbotenyonto ti amin nga inauna a kalakian nga urbon ti asno babaen iti panangidatonyo iti urbon a karnero. No diyo kayat a subboten, rungdoenyo ti tengngedna. Masapul a subbotenyo ti inauna a lalaki nga anakyo.

Ti Biblia (1973)

¹³ Ket iti amin nga inauna ti asno subbotemto iti cordero; ket no dicanto subboten, tuccolemto ti lengngesna: ket amin nga inauna ti tao cadagiti annacmo a lallaki subbotemto.

Exodo 13:13 Iomraidhean Croise

Exodo 12:21

Inummong ni Moises dagiti amin a panglakayen ti Israel. “Pumili ti tunggal maysa kadakayo iti urbon ti karnero wenno kalding ket patayenyo tapno rambakan ti familiayo ti Paskua,” kinunana kadakuada.

Exodo 12:3

Ipakaammoyo iti amin nga umili iti Israel nga iti maika-10 nga aldaw iti daytoy a bulan, masapul a pumili ti ama ti familia iti urbon a karnero wenno urbon a kalding nga agserbi iti familiana.

Exodo 34:20

Ngem masapul a subbotenyo ti inauna nga anak ti asno babaen iti pannangtedyo iti maysa a karnero a kas sukatna. No diyo subboten ti asno, rungdoenyo ti tengngedna. Subbotenyo ti amin nga inauna nga anakyo. “Saankayo nga umay kaniak no awan datonyo.

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.