Exodo 13:12 - Ti Baro a Naimbag a Damag Biblia

¹² idatonyonto kenkuana ti amin nga inauna a lallaki. Kukua ti Apo ti amin nga inauna nga annak a lallaki dagiti animalyo.

Ti Biblia (1973)

¹² Nga idatagmonto ken Jehova amin a manglucat iti aanacan, ken amin a inauna a cucuam nga agtaud iti animal dagiti lallaki cucuanto ni Jehova.

Exodo 13:12 Iomraidhean Croise

Nehemias 10:36

Kas sagudayen ti Linteg, ipanmi kadagiti papadi nga agserserbi iti Templo dagiti sumaganad: ti inauna nga anakmi a lalaki tapno maidaton iti Dios; ti inauna nga urbon ti bakami; ti inauna nga urbon ti karneromi ken ti inauna nga urbon ti kaldingmi.

Nehemias 10:37

Ipanmi met kadagiti papadi iti Templo ti bellaay a maaramid iti umuna nga apit iti tinawen, kasta met dagiti dadduma a datonmi nga arak, lana ti olibo ken amin a kita ti frutas. Ipanmi kadagiti Levita, isuda nga agur-urnong kadagiti apagkapullo dagiti maapit iti dagami, dagiti apagkapullo dagiti apit iti talonmi.

Exodo 13:1

Kinuna ni Yahweh ken ni Moises, “Idatonyo kaniak dagiti amin nga inauna nga annak a lallaki iti Israel. Kukuak ida, tao man wenno animal.”

Exodo 22:28

“Dikay agsao iti maibusor iti Dios ket diyo ilunod ti siasinoman a panguloyo.

Exodo 22:29

“Itedyo kaniak a dagus dagiti daton nga agtaud iti apit, iti arak ken iti lanayo no tiempo ti panagited. “Itedyo kaniak ti inauna nga anakyo a lalaki,

Exodo 34:19

“Kukuak ti amin nga inauna a lalaki, tao man wenno dingngoenyo.

Exodo 34:20

Ngem masapul a subbotenyo ti inauna nga anak ti asno babaen iti pannangtedyo iti maysa a karnero a kas sukatna. No diyo subboten ti asno, rungdoenyo ti tengngedna. Subbotenyo ti amin nga inauna nga anakyo. “Saankayo nga umay kaniak no awan datonyo.

Ezekiel 16:20

“Kalpasanna, innalam dagiti annakta a lallaki ken babbai ket pinuoram ida a kas daton kadagiti imahen. Di pay la immanay aya ti panangtallikudmo kaniak,

Ezekiel 44:30

Kukua dagiti papadi ti kasayaatan kadagiti amin nga umuna nga apit ken amin a maidatag kaniak. Tunggal agluto dagiti tattao iti tinapay, masapul nga itedda kadagiti papadi ti umuna a maluto a kas daton ket bendisionak dagiti pagtaenganda.

Levitico 27:26

Sigud a kukua ti Apo ti inauna nga anak dagiti animal isut' gapuna a saan a mabalin a maited kenkuana a daton iti bukod a nakem. Kukua ti Apo ti urbon ti baka, karnero wenno kalding

Numero 18:15

“Kukuayo amin nga inauna nga anak ti tao wenno animal nga idaton kaniak dagiti Israelita. Ngem masapul a subboten ti inauna nga anak ti tao ken ti inauna nga anak ti animal a narugit iti imatang ti linteg.

Numero 3:12

“Agpaay kaniak dagiti Levita. Idi pinatayko dagiti amin nga inauna nga anak a lalaki dagiti Egipcio, indatonko a kas kukuak ti inauna nga anak a lalaki iti Israel, tao man wenno animal. Ita, kukuak dagiti Levita a kas sukat dagiti inauna nga annak ti Israel. Siak ni Yahweh.”

Numero 8:17

Idi pinatayko ti amin nga inauna nga annak idiay Egipto, indatonko a kas kukuak ti amin nga inauna nga anak iti Israel, annak man dagitoy ti tao wenno animal.

San Lucas 2:23

kas nailanad iti linteg ti Apo: “Maidaton iti Apo ti amin nga inauna a lalaki.”

Deuteronomio 15:19

“Ikonsagraryo iti Apo a Diosyo ti amin nga inauna a kalakian a yanak ti baka ken ti karneroyo. Diyo pagtrabaho daytoy a baka wenno pukisan dagitoy a karnero.