Exodo 13:10 - Ti Baro a Naimbag a Damag Biblia

¹⁰ Tinawen a rambakanyo daytoy a fiesta iti naituding a tiempo.”

Ti Biblia (1973)

¹⁰ Anansata tungpalemto daytoy nga alagaden iti tiempona iti tinawentawen.

Exodo 13:10 Iomraidhean Croise

Exodo 12:14

Rambakanyo iti agnanayon dayta nga aldaw kas maysa a nasagradoan a fiesta a mangipalagip kadakayo iti inaramidko.”

Exodo 12:17

Ngilinenyo daytoy a fiesta agsipud ta iti daytoy met la nga aldaw, inruarko dagiti amin a puliyo iti daga ti Egipto. Taginayonenyo a ngilinen a kas fiesta daytoy nga aldaw.

Exodo 12:42

Iti daydi a rabii, nagpatpatnag a nagbantay ni Yahweh tapno iruarna ida idiay Egipto. Daytoy met la a rabii ti maidaton ken ni Yahweh iti amin a tiempo a kas rabii a masapul nga agbantay dagiti Israelita.

Exodo 13:5

Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Exodo 23:15

Iti bulan ti Abib, ti bulan nga ipapanawyo idi idiay Egipto, rambakanyo ti Fiesta ti Tinapay nga Awan Lebadurana. Kas imbilinko kadakayo, tinapay laeng nga awan lebadurana ti kanenyo iti las-ud ti pito nga aldaw bayat ti fiesta. Dikay umay agdaydayaw kaniak no awan ti idatonyo.

Levitico 23:6

Iti maika-15 nga aldaw, mangrugi met ti Fiesta ti Tinapay nga Awan Lebadurana ket pito nga aldaw a masapul a dikay mangan iti nalebaduraan a tinapay.