Exodo 12:21 - Ti Baro a Naimbag a Damag Biblia

²¹ Inummong ni Moises dagiti amin a panglakayen ti Israel. “Pumili ti tunggal maysa kadakayo iti urbon ti karnero wenno kalding ket patayenyo tapno rambakan ti familiayo ti Paskua,” kinunana kadakuada.

Ti Biblia (1973)

²¹ Idin ni Moises inumongna amin a lallacay ti Israel, ket kinunana cadacuada, Incayo ket mangalacayo cadagiti corderoyo cas mayannurot cadagiti famfamiliayo, ket partienyo ti pascua.

Exodo 12:21 Iomraidhean Croise

2 Ar-ari 23:21

Imbilin ni Ari Josias kadagiti tattao a rambakanda ti Fiesta ti Paskua a pammadayaw ken ni Yahweh a Diosda, kas nailanad iti Libro ti Tulag.

ESDRAS 6:20

Dinalusan dagiti amin a papadi ken dagiti Levita ti bagbagida ket naibilangda amin a nadalus iti imatang ti linteg. Pinartida dagiti animal a daton iti Fiesta ti Paskua nga agpaay kadagiti nagsubli, kadagiti padada a papadi ken agpaay kadakuada.

Exodo 12:11

Kastoyto ti pannanganyo: masapul a nakakaweskayo a kas agbiahe, sisasapatoskayo, sisasarukodkayo, ket darasenyo a kanen. Daytoy ti Fiesta ti Paskua a pammadayaw kaniak, ni Yahweh.

Exodo 12:3

Ipakaammoyo iti amin nga umili iti Israel nga iti maika-10 nga aldaw iti daytoy a bulan, masapul a pumili ti ama ti familia iti urbon a karnero wenno urbon a kalding nga agserbi iti familiana.

Exodo 17:5

Kinuna ni Yahweh ken ni Moises, “Mangikuyogka iti sumagmamano a pangulo ti Israel ket umun-unakayo a magna ngem dagiti tattao. Itugotmo ti sarukod nga imbautmo idi iti Karayan Nile.

Exodo 19:7

Simmalog ngarud ni Moises ket inayabanna dagiti amin a panglakayen dagiti tattao. Imbagana kadakuada ti amin nga imbilin ni Yahweh.

Exodo 3:16

Inka ummongen dagiti pangulo ti Israel ket ibagam kadakuada a nagparang kenka ni Yahweh a Dios dagiti kapuonanyo, ti Dios da Abraham, Isaac ken Jacob. Ibagam a naimatanganna ti kasasaadyo ken ti ar-aramiden dagiti Egipcio kadakayo.

Numero 11:16

Kinuna ni Yahweh ken ni Moises, “Mangummongka iti pitopulo a panglakayen a mabigbig a pangulo dagiti tattao. Idatagmo kaniak ida iti Tolda ket ibagam kadakuada nga agtakderda sadiay iti abaymo.

1 Taga-Corinto 10:4

Imminumda amin iti maymaysa a naespirituan a danum. Imminumda manipud iti naespirituan a bato a kimmuykuyog kadakuada. Ni Cristo dayta a bato.

Hebreo 11:28

Gapu ta adda pammatina, inrugina ti pannakarambak ti Fiesta ti Ilalabas. Pinawarsianna dagiti ridaw iti dara tapno saan a gudasen ti Anghel ni Patay dagiti inauna nga annak dagiti Israelita.

Josue 5:10

Bayat ti panagkampo dagiti Israelita idiay Gilgal, iti tanap ti Jerico, nginilinda ti Paskua iti rabii ti maika-14 nga aldaw ti bulan.