Exodo 12:2 - Ti Baro a Naimbag a Damag Biblia

² “Manipud ita, daytoy a bulan ti umuna a bulan iti tawen para kadakayo.

Ti Biblia (1973)

² Dagitoy a bulan isunto cadacayo ti pangrugian dagiti bulbulan: isunto cadacayo ti umuna a bulan iti tawen.

Exodo 12:2 Iomraidhean Croise

Ester 3:7

Bulan idi ti Nisan, ti umuna a bulan ti maika-12 a tawen a panagturay ni Ari Xerxes. Naaramid iti sangoanan ni Haman ti binnunot a maaw-awagan iti Pur tapno maammoan no ania nga aldaw ken bulan ti pannakapapatay dagiti amin a Judio. Napili ti maika-13 nga aldaw iti maika-12 a bulan a maaw-awagan iti Adar.

Exodo 12:1

Nagsao ni Yahweh kada Moises ken Aaron idiay Egipto:

Exodo 12:18

Masapul a mangankayo iti tinapay nga awan lebadurana manipud iti rabii ti maika-14 nga aldaw ti umuna a bulan agingga iti rabii ti maika-21 nga aldaw.

Exodo 12:3

Ipakaammoyo iti amin nga umili iti Israel nga iti maika-10 nga aldaw iti daytoy a bulan, masapul a pumili ti ama ti familia iti urbon a karnero wenno urbon a kalding nga agserbi iti familiana.

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 13:4

Panawanyo ti Egipto ita nga aldaw, iti umuna a bulan, iti bulan ti Abib.

Exodo 23:15

Iti bulan ti Abib, ti bulan nga ipapanawyo idi idiay Egipto, rambakanyo ti Fiesta ti Tinapay nga Awan Lebadurana. Kas imbilinko kadakayo, tinapay laeng nga awan lebadurana ti kanenyo iti las-ud ti pito nga aldaw bayat ti fiesta. Dikay umay agdaydayaw kaniak no awan ti idatonyo.

Exodo 34:18

“Rambakanyo ti Fiesta ti Tinapay nga awan Lebadurana. Kas imbilinko, mangankay iti tinapay nga awan lebadurana iti las-ud ti pito nga aldaw iti Abib ta iti daytoy a bulan, pimmanawkayo idi idiay Egipto.

Exodo 40:17

Nabangon ti Tolda ti Dios iti umuna nga aldaw ti umuna a bulan iti maikadua a tawen kalpasan ti ipapanawda idiay Egipto.

Ezekiel 45:18

Kinuna ti Apo a Dios, “Iti umuna nga aldaw iti umuna a bulan, mangidatonka iti toro a baka nga awan pakapilawanna, ket aramidem ti seremonia ti pannakadalus ti Templo.

Ezekiel 45:21

Iti maika-14 nga aldaw iti umuna a bulan, irugim a rambakan ti Fiesta ti Paskua. Pito nga aldaw a manganto dagiti tattao iti tinapay nga awan lebadurana.

Levitico 23:5

Mangrugi a marambakan ti Fiesta ti Paskua a pammadayaw iti Apo iti ilelennek ti init iti maika-14 nga aldaw iti umuna a bulan.

Numero 28:16

Marambakan iti maika-14 nga aldaw ti umuna a bulan ti Fiesta ti Paskua a pammadayaw iti Apo.

Deuteronomio 16:1

“Padayawanyo ti Apo a Diosyo babaen iti panangrambakyo iti Fiesta ti Paskua iti bulan ti Abib; iti maysa a rabii iti dayta a bulan, inruarnakayo idiay Egipto.