Exodo 12:17 - Ti Baro a Naimbag a Damag Biblia

¹⁷ Ngilinenyo daytoy a fiesta agsipud ta iti daytoy met la nga aldaw, inruarko dagiti amin a puliyo iti daga ti Egipto. Taginayonenyo a ngilinen a kas fiesta daytoy nga aldaw.

Ti Biblia (1973)

¹⁷ Ket ngilinenyonto ti fiesta ti tinapay nga awan levadurana; ta iti daytoy met laeng nga aldaw, innalac dagiti buybuyotyo iti daga nga Egipto: gapuna nga ngilinenyonto daytoy nga aldaw a pagalagadan nga agnanayon agpapan putputotyo.

Exodo 12:17 Iomraidhean Croise

Exodo 12:14

Rambakanyo iti agnanayon dayta nga aldaw kas maysa a nasagradoan a fiesta a mangipalagip kadakayo iti inaramidko.”

Exodo 12:24

Tungpalenyo dagitoy nga alagaden kas mataginayon a bilin kadakayo ken kadagiti annakyo.

Exodo 12:41

Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 12:6

Ipupokyo ti animal, ket iti karabiyan ti maika-14 nga aldaw ti bulan, aggigiddanto ti sangkapagilian nga Israel a patayen ti animalda.

Exodo 13:10

Tinawen a rambakanyo daytoy a fiesta iti naituding a tiempo.”

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 13:8

Inton mangrugi ti fiesta, ibagayo kadagiti annakyo nga aramidenyo daytoy kas panglagip iti panangispal ti Apo kadakayo idi impanawnakayo idiay Egipto.

Exodo 34:18

“Rambakanyo ti Fiesta ti Tinapay nga awan Lebadurana. Kas imbilinko, mangankay iti tinapay nga awan lebadurana iti las-ud ti pito nga aldaw iti Abib ta iti daytoy a bulan, pimmanawkayo idi idiay Egipto.

Exodo 6:26

Da Aaron ken Moises ti nagkunaan ni Yahweh, “Iruaryo dagiti tribu ti Israel iti Egipto.”

Exodo 7:5

Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Numero 20:16

Gapu iti daytoy, immawagkami iti Apo iti tulong. Nangngegna ti asugmi ket nangibaon iti anghel a nangiruar kadakami idiay Egipto. Ita, addakami ditoy Kades, maysa nga ili iti beddeng ti dagam.

Deuteronomio 16:3

No kanenyo daytoy a daton, dikay mangan iti nalebaduraan a tinapay. Pito nga aldaw a mangankay iti saan a nalebaduraan a tinapay, ti simbolo ti panagsagabayo, gapu ta nagdardaraskayo idi a pimmanaw idiay Egipto. Aramidenyo daytoy a panglagip iti aldaw nga ipapanawyo idiay Egipto, dayta lugar a nagsagabaanyo.