Exodo 12:16 - Ti Baro a Naimbag a Damag Biblia

¹⁶ Iti umuna nga aldaw, masapul nga adda nasantoan a panaggigimongyo; kastanto manen ti aramidenyo iti maikapito nga aldaw. Dikay agtrabaho kadagita nga aldaw, ngem mabalinyo ti agisagana iti kanenyo.

Ti Biblia (1973)

¹⁶ Ket iti umuna nga aldaw addanto ti maysa a nasantoan a panagguurnong, cadacayo ken iti maicapito nga aldaw, ti maysa a nasantoan a panagguurnong, awanto ti uray ania nga ar-aramid cadagidiay nga al-aldaw, dagidiay laeng dagiti agservi a canen ti tunggal tao, daytoy laeng ti maipalubos cadacayo.

Exodo 12:16 Iomraidhean Croise

Exodo 16:23

Kinuna ni Moises kadakuada, “Kuna ti Apo a nasantoan nga aldaw a panaginana inton bigat. Naidaton daytoy kenkuana. Imbilinna a lutoenyo ti kayatyo a lutoen—yorno wenno ipaburekyo. Idulinyo ti teddayo para iti sumuno a bigat.”

Exodo 16:29

Laglagipenyo a siak ni Yahweh, inikkankayo iti Aldaw a Panaginana. Isut' gapuna nga iti maikanem nga aldaw, ikkankayo iti kanenyo nga umanay iti dua nga aldaw. Agyan ti tunggal maysa iti balayna iti maikapito nga aldaw. Awan ti rummuar.”

Exodo 16:5

Iti maikanem nga aldaw, masapul a doblienda ti masansan nga urnongenda iti inaldaw ket isaganada.”

Exodo 20:10

ngem aginanaka iti maikapito nga aldaw a maipaay kaniak. Dika agtrabaho iti dayta nga aldaw—sika wenno dagiti annakmo wenno dagiti tagabum wenno dagiti animalmo wenno dagiti ganggannaet nga agnaed iti pagiliam.

Exodo 34:18

“Rambakanyo ti Fiesta ti Tinapay nga awan Lebadurana. Kas imbilinko, mangankay iti tinapay nga awan lebadurana iti las-ud ti pito nga aldaw iti Abib ta iti daytoy a bulan, pimmanawkayo idi idiay Egipto.

Isaias 1:13

Diak kayaten dagiti awan serserbina a datonyo. Naumaakon iti angot ti insenso nga idatdatonyo. Diak maanusan dagiti panangrambakyo iti Fiesta ti Lutuad, ti Aldaw a Panaginana, ken panaggigimongyo. Namulitanda amin gapu kadagiti basbasolyo.

Levitico 23:21

Iti dayta nga aldaw, dikay agtrabaho no di ket aguummongkayo nga agdaydayaw. Masapul nga annuroten a kankanayon dagiti kaputotanyo daytoy nga alagaden iti sadinoman a lugar a pagnaedanda.

Levitico 23:35

Iti umuna nga aldaw, aguummongkayo nga agdaydayaw ket dikay agtrabaho iti uray ania.

Numero 28:18

Iti umuna nga aldaw ti fiesta, aguummongkayo nga agdaydayaw, ket awan ti agtrabaho.

Numero 28:25

Iti maika-7 nga aldaw, aguummongkayo manen nga agdaydayaw ket awan ti agtrabaho.

Numero 28:26

Iti Fiesta ti Apit, no idatagyo dagiti baro nga apit a datonyo iti Apo, aguummongkayo nga agdaydayaw, ket awan ti agtrabaho.

Numero 29:1

Iti umuna nga aldaw ti maika-7 a bulan, aguummongkayo nga agdaydayaw ket awan ti agtrabaho. Iti dayta nga aldaw, mapuyot dagiti trumpeta.

Numero 29:12

Aguummongkayo nga agdaydayaw iti maika-15 nga aldaw iti maika-7 a bulan. Pito nga aldaw a rambakanyo daytoy a fiesta a pammadayaw iti Apo ket dikay agtrabaho.

San Juan 19:31

Agsipud ta Aldaw a Panagsagana idi, dinawat dagiti agtuturay a Judio ken ni Pilato a matukkol dagiti saka dagiti nailansa ken maikkat dagiti bagida kadagiti krus. Dinawatda daytoy ta dida kayat a mabati dagiti bangkay kadagiti krus iti Aldaw a Panaginana, ta naisangsangayan dayta mapasungad nga aldaw.

Deuteronomio 16:8

Iti las-ud ti innem nga aldaw, masapul nga awan ti lebadura ti tinapay a kanenyo; iti maikapito nga aldaw, aggigimongkayo nga agdaydayaw iti Apo a Diosyo. Dikay agtrabaho iti dayta nga aldaw.