Exodo 12:15 - Ti Baro a Naimbag a Damag Biblia

¹⁵ Kinuna ni Yahweh, “Pito nga aldaw a masapul nga awan lebadura ti tinapay a kanenyo. Iti umuna nga aldaw, masapul nga ikkatenyo ti amin a lebadura kadagiti balbalayyo. No adda mangan iti tinapay a nalebaduraan manipud iti umuna agingga iti maikapito nga aldaw, masapul a maisina iti Israel.

Ti Biblia (1973)

¹⁵ Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:15 Iomraidhean Croise

Genesis 17:14

Saanto a maibilang a taok ti siasinoman a lalaki a saan a nakugit agsipud ta dina tinungpal ti nagtulaganta.”

2 Cronicas 30:21

Pito nga aldaw a rinambakan a siraragsak dagiti tattao a naummong idiay Jerusalem ti Fiesta ti Tinapay nga Awan Lebadurana. Iti amin a kabaelan dagiti Levita ken dagiti papadi, inaldaw a dinaydayawda ni Yahweh.

ESDRAS 6:22

Pito nga aldaw a rinambakanda a siraragsak ti Fiesta ti Tinapay nga awan Lebadurana. Naragsakda gapu ta tinignay ni Yahweh ti emperador ti Asiria tapno tulonganna ida iti pannakabangon manen ti Templo ti Dios ti Israel.

Exodo 12:8

Iti dayta a rabii, masapul a maletson ti urbon ket maipangan ti karnena iti tinapay nga awan lebadurana ken iti nateng a napait.

Exodo 13:3

Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 23:15

Iti bulan ti Abib, ti bulan nga ipapanawyo idi idiay Egipto, rambakanyo ti Fiesta ti Tinapay nga Awan Lebadurana. Kas imbilinko kadakayo, tinapay laeng nga awan lebadurana ti kanenyo iti las-ud ti pito nga aldaw bayat ti fiesta. Dikay umay agdaydayaw kaniak no awan ti idatonyo.

Exodo 30:33

Saanen a maibilang a taok ti siasinoman a mangaramid iti kastoy wenno mangusar iti siasinoman a tao a saan a padi.’”

Exodo 30:38

No adda mangaramid iti kastoy tapno aramatenna a bangbanglo, saanen a maibilang a maysa kadagiti tattaok.”

Exodo 31:14

Nasagradoan ti Aldaw a Panaginana ket masapul a ngilinenyo. Mapapatay ti saan a mangngilin iti aldaw a panaginana ket mapagtalaw ti siasinoman nga agtrabaho iti dayta nga aldaw.

Exodo 34:18

“Rambakanyo ti Fiesta ti Tinapay nga awan Lebadurana. Kas imbilinko, mangankay iti tinapay nga awan lebadurana iti las-ud ti pito nga aldaw iti Abib ta iti daytoy a bulan, pimmanawkayo idi idiay Egipto.

Exodo 34:25

“Diyo pakuyogan ti tinapay nga adda lebadurana iti dara ti animal nga idatonyo kaniak a sakrifisio. Diyo ipabigat ti uray ania a paset ti animal a pinatayyo iti Fiesta ti Paskua.

Levitico 17:10

Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Levitico 17:14

Adda iti dara ti biag iti tunggal parsua, isu nga imbilin ti Apo kadagiti Israelita a dida agsida iti laeng dara; ilaksidna kadagiti tattaona ti siasinoman a mangsalungasing iti daytoy a bilin.

Malakias 2:12

Dadaelen koma ti Apo ti siasinoman nga agaramid iti daytoy. Mailaksid koma ti kasta a tao iti pagiliantayo, kadagiti tattao nga agidatag iti daton iti Apo a Mannakabalin-amin.

Numero 28:17

Iti maika-15 nga aldaw, mangrugi ti nasantoan a fiesta nga agpaut iti pito nga aldaw. Iti las-ud daytoy a tiempo, dagiti laeng tinapay nga awan lebadurana ti mabalin a kanen.

Numero 9:13

Ngem ti siasinoman a narugit iti imatang ti linteg ken saan a nagbiahe a mangrambak iti Fiesta ti Paskua, mailaksid kadagiti tattaok ta dina indaton kaniak ti daton iti naituding a tiempo. Masapul a sagabaenna ti dusa ti basolna.

San Mateo 16:12

Naawatanen dagiti adalan a saan a ti lebadura a pagaramid iti tinapay ti kuna ni Jesus nga annadanda, no di ket ti pannursuro dagiti Fariseo ken Saduceo.

San Lucas 12:1

Agaaribungbong dagiti rinibribu a tattao ket urayda la agbibinnaddeken. Immuna a kinasao ni Jesus dagiti adalanna. Kinunana, “Annadanyo ti lebadura dagiti Fariseo, kayatko a sawen, ti panaginsisingpetda.

San Lucas 2:43

Idi nalpasen ti fiesta ket agaw-awiddan, nagbati ni Jesus idiay Jerusalem a di ammo dagiti nagannak kenkuana.

Dagiti Aramid 12:3

Idi makitana a naragsakan dagiti Judio, pinatiliwna met ni Pedro. (Napasamak daytoy iti Fiesta ti Tinapay nga awan Lebadurana.)

Taga-Galacia 5:12

Nayonan pay koma dagiti mangrirriribuk kadakayo ti ar-aramidenda, uray no sugatsugatenda dagiti bagbagida!

Deuteronomio 16:3

No kanenyo daytoy a daton, dikay mangan iti nalebaduraan a tinapay. Pito nga aldaw a mangankay iti saan a nalebaduraan a tinapay, ti simbolo ti panagsagabayo, gapu ta nagdardaraskayo idi a pimmanaw idiay Egipto. Aramidenyo daytoy a panglagip iti aldaw nga ipapanawyo idiay Egipto, dayta lugar a nagsagabaanyo.

Deuteronomio 16:5

“Iti laeng pagdaydayawan ti pakaisaganaan iti animal a maipaay iti Fiesta ti Paskua ket awanen ti sabali a disso iti daga nga ited kadakayo ti Apo. Isaganayo iti sumipnget, iti oras nga ipapanawyo idi idiay Egipto.

Deuteronomio 16:8

Iti las-ud ti innem nga aldaw, masapul nga awan ti lebadura ti tinapay a kanenyo; iti maikapito nga aldaw, aggigimongkayo nga agdaydayaw iti Apo a Diosyo. Dikay agtrabaho iti dayta nga aldaw.