Exodo 11:6 - Ti Baro a Naimbag a Damag Biblia

⁶ Iti entero nga Egipto, addanto napigsa a dung-aw a di pay nangnangngeg idi wenno mangngeganto manen.

Ti Biblia (1973)

⁶ Ket addanto dackel nga ariwawa iti amin a daga ti Egipto, nga idi caanoman di naaramid ket uray ca-anoman awanton ti casta.

Exodo 11:6 Iomraidhean Croise

Exodo 11:7

Ngem awanto ti uray aso a mangtaul kadagiti Israelita wenno animalda tapno maammoanyo a dusaek dagiti Egipcio idinto a bendisionak dagiti Israelita.’”

Exodo 12:30

Iti dayta a rabii, nariing ti ari, dagiti amin nga ofisialesna ken amin nga Egipcio. Adda napigsa a dung-aw iti entero nga Egipto gapu ta adda minatay iti tunggal balay.

Exodo 3:7

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda.

Exodo 9:18

Iti kasta, pagtudoekto iti yelo iti kastoy nga oras inton bigat. Daytoyto ti kakaroan a panagtudo iti yelo iti pakasaritaan ti Egipto.

Dagiti Proverbio 21:13

No dimo ipangag ti asug ti napanglaw, saankanto met a maipangag inton sika ti umawag.

Isaias 15:8

Mangngeg ti sangsangit iti amin a suli ti Moab ket dumanon kadagiti ili ti Eglaim ken Beerelim.

Isaias 19:16

Dumtengen ti tiempo a tumakrot a kasla babbai dagiti tattao ti Egipto. Agtigergerdanto iti buteng inton makitada ti Apo a Mannakabalin-amin a mangilayat iti imana a pangdusa kadakuada.

Jeremias 31:15

Kuna ni Yahweh, “Idiay Rama mangngeg ti arimbangaw, nasaem a sangsangit ken dungdung-aw. Dungdung-awan ni Raquel dagiti annakna, agsangsangit ket dina kayat ti maliwliwa, ta nataydan amin a padapada.

Dungdung-aw 3:8

Umkisak a dumawat iti tulong, ngem dinak ipangag ti Dios.

Amos 5:17

Addanto dung-aw iti amin a kaubasan. Mapasamakto amin dagitoy ta umaykayo dusaen.” Daytoy ti sao ti Apo.

Sofonias 1:10

Kuna ti Apo, “Iti dayta nga aldaw, mangngegyonto ti ikkis nga aggapu iti Ruangan ti Ikan idiay Jerusalem. Mangngegyonto ti sangsangit dagiti tattao iti baro a paset ti siudad. Matimudyonto ti napigsa a daranudor ti pannakarba kadagiti turod.

San Lucas 13:28

Agsangit ken agngaretngetkayto inton makitayo nga adda da Abraham, Isaac, Jacob ken dagiti amin a profeta iti Pagarian ti Dios, idinto nga addakay iti ruar!