Exodo 11:1 - Ti Baro a Naimbag a Damag Biblia

¹ Kinuna ni Yahweh ken ni Moises, “Maysa laengen a didigra ti yegko iti ari ti Egipto ken kadagiti tattaona ket kalpasanna, palubosannakayton a pumanaw. Kinapudnona, pagtalawennakayto amin.

Ti Biblia (1973)

¹ Ket ni Jehova kinunana ken Moises, Addanto pay laeng maysa a didigra nga yegco ken Faraon ken iti Egipto; iti calpasanna isu bay-annacayton a pumanaw ditoy: no palubosannacayonton a pumanaw, pudno nga ipapilitnanto ti ipapanawyo a maminpinsan ditoy.

Exodo 11:1 Iomraidhean Croise

Genesis 15:14

Ngem dusaekto ti nasion a mangtagabu kadakuada ket inton pumanawda iti dayta a daga, adunto a kinabaknang ti alaenda.

Ti Libro ni Job 10:17

Adda latta pammaneknekmo a maibusor kaniak; umad-adda ti pungtotmo kaniak, ad-adda a gumilgil-ayab; adda latta baro nga ipabasolmo kaniak!

Exodo 12:29

Iti tengnga ti rabii, pinapatay ni Yahweh dagiti amin nga inauna nga annak a lallaki iti Egipto manipud iti anak ti ari nga agtawid iti trono agingga iti anak ti balud; napapatay met amin nga inauna nga annak dagiti animal.

Exodo 3:20

Ngem usarekto ti pannakabalinko ket dusaekto ti Egipto; nakabutbutengto dagiti aramidek sadiay. Kalpasan dayta, palubosannakayton.

Exodo 6:1

Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Exodo 9:14

Ta itan, saan laeng nga isu ti dusaek no di pay ket dagiti ofisialesna ken dagiti tattao iti sakupna tapno maammoanna nga awan ti kapadak iti entero a lubong.

Levitico 26:21

“No itultuloyyo latta ti mangsukir kaniak ket didak ipangag, nayonakto manen iti mamimpito ti dusayo.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.

Paltiing 16:9

Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

1 Samuel 6:4

“Ania ti sagut nga ipakuyogmi?” sinaludsodda. Insungbatda, “Mangtedkayo iti lima a sinan-letteg ken lima a sinan-marabutit a naaramid iti balitok, kas mayannurot iti bilang dagiti ari a Filisteo. Ta maymaysa a didigra ti dimteng kadakay amin ken kadagiti lima nga ari.