Exodo 10:26 - Ti Baro a Naimbag a Damag Biblia

²⁶ Ngem kasapulan nga ikuyogmi dagiti animalmi; awan ti uray maysa a mabati. Ket pilienmi dagiti animal a pagdaydayaw iti Apo a Diosmi. Dimi pay ammo no ania dagiti idatonmi agingga a makadanonkami iti lugar a pagdaydayawanmi kenkuana.”

Ti Biblia (1973)

²⁶ Dagiti an-animalmi maicuyogdanto met cadacami; awanto ti mabati uray maysa la coma a cucua; ta cadacuada masapulmi nga alaen a pagservimi ken Jehova a Diosmi; ket dicam pay met la ammo ita no ania ti pagserviminto ken Jehova agingga iti macadanoncami sadiay.

Exodo 10:26 Iomraidhean Croise

Exodo 10:25

Kinuna ni Moises, “No kasta ngarud, masapul nga ikkannakami kadagiti animal a puoranmi nga idaton iti Apo a Diosmi.

Exodo 10:9

Insungbat ni Moises, “Mapankami amin, agraman dagiti annakmi ken dagiti babbaket ken lallakay. Itugotmi dagiti karnero, kalding, ken dagiti bakami. Masapul nga inkami amin ta mangipaaykami iti maysa a parambak iti Apo.”

Exodo 12:32

Alaenyo dagiti karnero, dagiti kalding ken dagiti bakayo ket pumanawkayon. Ikarkararagyo met ti pannakabendisionko.”

Exodo 8:27

Masapul nga iti let-ang ti pagidataganmi iti daton iti Apo a Diosmi, a kas iti imbilinna kadakami, ket tallo nga aldaw nga agbiahekami a mapan sadiay.”

Dagiti Proverbio 3:9

Padayawam ti Apo babaen iti panangidatagmo kenkuana iti kasayaatan nga apitmo.

Isaias 23:18

Maidatonto iti Apo ti kuarta a matgedanna iti negosiona. Dinanto urnongen wenno idulin ti kuartana ngem maigatangto iti taraon ken kawes dagiti agdaydayaw iti Apo.

Oseas 5:6

Alaenda dagiti baka ken karneroda a puoran a kas sakrifisio ken ni Yahweh ngem awan serserbina. Saanda a mabirokan ni Yahweh ta pinanawanna ida.

Zacarias 14:20

Iti dayta a tiempo, uray kadagiti kilingkiling a maibitin kadagiti kabalio maisuratto: “Naidaton iti Apo.” Agbalinton dagiti banga nga adda iti Templo a nasagradoan a kas kadagiti malukong iti sango ti altar.

2 Taga-Corinto 8:5

Nasursurok pay ngem ti ninamnamami! Indatonda nga immuna ti bagida iti Apo. Kalpasanna, nagserbida met kadakami, babaen iti pagayatan ti Dios.

Hebreo 11:8

Gapu ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna.