Exodo 10:21 - Ti Baro a Naimbag a Damag Biblia

²¹ Kinuna ni Yahweh ken ni Moises, “Ingatom ta imam tapno makumotan ti entero nga Egipto iti nakaro a sipnget nga uray la agar-arikap dagiti tattao.”

Ti Biblia (1973)

²¹ Ket ni Jehova kinunana ken Moises, yunnatmo ti imam iti agpalangit, tapno agsipnget iti daga nga Egipto, sipnget a mamagararicap.

Exodo 10:21 Iomraidhean Croise

Ti Libro ni Job 5:14

Agar-arikapda uray iti tengnga ti aldaw.

Dagiti Salmo 105:28

Inyegna ti sipnget ket nagsipnget ti daga, ngem di tinungpal dagiti Egipcio ti bilinna.

Dagiti Salmo 35:6

Nasipnget ken nagalis koma ti dalanda, bayat ti panangsunson ti anghel ti Apo kadakuada.

Dagiti Salmo 78:49

Bimtak ti pungtot ken ungetna; inyegna kadakuada ti nakaro a didigra a dimteng a kas babaonen ni patay.

Exodo 7:19

Kinuna ni Yahweh ken ni Moises, “Ibagam ken ni Aaron nga ilayatna ti sarukodna kadagiti dandanum ti Egipto: kadagiti karayan, kanal ken dan-aw. Agbalinto a dara dagiti danum ket addanto dara iti entero a daga uray pay kadagiti burnay ken pagkargaan iti danum.”

Exodo 9:22

Kinuna ni Yahweh ken ni Moises, “Ilayatmo ta imam iti langit tapno agtinnag ti yelo kadagiti tattao, animal ken amin a mula iti entero nga Egipto.”

Dagiti Proverbio 4:19

Ngem nasipnget a kas iti rabii ti dalan dagiti managdakdakes. Maitiklebda ngem dida makita no ania ti nakaitibkolanda.

Eclesiastes 2:14

Ammo dagiti masirib ti pagturonganda, ngem dagiti maag saanda nga ammo ti pagbanaganda. Ngem ammok met a maymaysa ti pagtungpalantayo amin.

Eclesiastes 6:4

Saan a pagimbagan dayta a maladaga ti pannakaipasngayna. Agpukaw iti kasipngetan ket sadiay malipatan.

Ezekiel 32:7

Inton dadaelenka, abbongakto ti tangatang ket saanto nga agraniag dagiti bituen. Maulpanto ti init ket dinto agraniag ti bulan.

San Mateo 27:45

Iti tengnga ti aldaw, nagsipnget iti entero a daga ket nagpaut iti tallo nga oras.

San Marcos 15:33

Iti tengnga ti aldaw, nagsipnget iti entero a daga ket nagpaut iti tallo nga oras.

San Lucas 23:44

Dandani tengnga ti aldaw idi agsipnget iti entero a daga ket nagpaut agingga iti alas tres iti malem.

Deuteronomio 1:30

Idalannakayto ti Apo a Diosyo. Isunto ti makigubat kas iti nakitayo nga inaramidna idiay Egipto.

Deuteronomio 28:29

Kaskayto la bulsek nga agar-arikap a dina makita ti papananna, uray tengnga ti aldaw. Dikayto agballigi iti aniaman nga aramidyo. Kanayonkayto a maidadanes ken matakawan ket awanto ti tumulong kadakayo.

Deuteronomio 4:34

Wenno adda kadin uray ania a dios a nakaitured a nangala kadagiti tattao iti sabali a pagilian tapno pagbalinenna ida a kukuana a kas iti inaramid kadakayo ti Apo a Diosyo idiay Egipto? Nakitayo ti panangaramatna iti naindaklan a pannakabalinna ket inyegna dagiti didigra ken gubat, dagiti milagro ken datdatlag ken dagiti nakabutbuteng a pasamak.

2 Pedro 2:17

Mayarig dagitoy a tattao iti namagaan nga ubbog. Kasda la ulep a mayang-angin iti napigsa. Insaganan ti Dios ti pagyananda iti mangliwengliweng a sipnget.

2 Pedro 2:4

Saan a kinaasian ti Dios dagiti angheles a nagbasol. Intappuakna ketdi ida idiay infierno, iti kasipngetan a lugar a nakakawaranda, a pangur-urayanda iti idadateng ti Aldaw ti Panangukom.

San Judas 1:13

Mayarigda kadagiti nadawel a dalluyon iti baybay. Kasla labutab a narugit dagiti nakababain nga aramidda. Kasda la kadagiti agalla-alla a bituen nga insaganaan ti Dios iti pagyanan iti agnanayon a mangliwengliweng a sipnget.

San Judas 1:6

Laglagipenyo dagiti angheles a di nagtalinaed iti sigud a kasasaadda, no di ket pinanawanda dagiti pagtaenganda. Impupok ti Dios ida iti kasipngetan iti baba. Agnanayon a nakawaranda agingga a dumteng ti naindaklan nga Aldaw a maukomda.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.