Exodo 10:19 - Ti Baro a Naimbag a Damag Biblia

¹⁹ Binaliwan ni Yahweh ti turongen ti angin a naggapu iti daya. Pinagbalinna a nakapigpigsa a naggapu iti laud a nangitayab kadagiti dudon ket impanna ida iti Baybay a Nalabaga. Pulos nga awan ti natda a dudon iti entero a daga ti Egipto.

Ti Biblia (1973)

¹⁹ Ket ni Jehova inturongna ti maysa nga angin a napigsa unay nga aggapu iti laud, isu a nangiccat cadagiti dodon ken nangipalais cadacuada idiay Baybay a Nalabaga; awan natda uray maysa la coma a dodon iti amin a beddeng ti Egipto.

Exodo 10:19 Iomraidhean Croise

Dagiti Salmo 109:23

Anniniwan nga agpukaw iti malem ti arigko, kaslaak dudon iti pannakaipalpalaisko.

Exodo 10:18

Pimmanaw ni Moises ket nagkararag ken ni Yahweh.

Exodo 10:20

Ngem pinatangken ni Yahweh ti puso ti ari ket dina impalubos a pumanaw dagiti Israelita.

Exodo 13:18

Inlikawna ida nga impan idiay let-ang nga agturong iti Nalabaga a Baybay. Siaarmas dagiti Israelita ket nakasaganada a makigubat.

Exodo 15:4

“Intappuakna iti baybay ti armada ken luglugan a pakigubat ti Egipto; nalmes dagiti kalaingan nga ofisialesna iti Nalabaga a Baybay.

Joel 2:20

Ipanawkonto kadakayo dagiti pangen ti dudon a naggapu iti amianan, ket ipankonto iti let-ang ti dadduma kadakuada. Sunsonekto ti akin-sango a bunggoyda agingga iti Natay a Baybay. Iturongkonto ti akinlikud a buyotda agingga idiay Taaw Mediterranean. Agbuyokto dagiti bangkayda, ket agadiwaranto ti bangsitda. Dadaelekto ida gapu kadagiti amin nga inaramidda kadakayo.

Hebreo 11:29

Gapu ta adda pammati dagiti Israelita, binallasiwda ti Nalabaga a Baybay. Kasda la nagna iti namaga a daga, ngem nalmes dagiti Egipcio idi pinadasda ti bumallasiw.