Exodo 1:7 - Ti Baro a Naimbag a Damag Biblia

⁷ Nupay kasta, napardas ti panagadu dagiti Israelita, isu a pimmigsada ket nagwaras dagiti kaputotanda iti entero nga Egipto.

Ti Biblia (1973)

⁷ Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

Exodo 1:7 Iomraidhean Croise

Genesis 1:20

Imbilin ti Dios, “Maaddaan dagiti dandanum iti adu a kita ti sibibiag a parsua, kasta met a maaddaan ti tangatang kadagiti tumatayab.”

Genesis 1:28

Binendisionanna ida a kunana, “Aganakkayo iti adu tapno agnaedto dagiti kaputotanyo iti amin a paset ti daga ket iturayandanto ti daga. Iturayanyo dagiti ikan, dagiti tumatayab, ken amin nga atap nga animal.

Genesis 12:2

Paraburankanto iti adu nga annak ken appoko ket agbalindanto a dakkel a pagilian. Bendisionankanto ket agdinamagto ti naganmo tapno mausar ti naganmo a pagbendision.

Genesis 13:16

Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 15:5

Inruar ni Yahweh ni Abram ket kinunana, “Tumangadka ket padasem a bilangen dagiti bituen. Kastanto ti kaadu dagiti kaputotam.”

Genesis 17:16

Bendisionakto ket paraburankanto iti anak a lalaki nga ipasngayna. Bendisionakto ket agbalinto nga ina dagiti nasion. Agbalinto nga ari ti sumagmamano kadagiti kaputotanna.”

Genesis 22:17

Paaduekto dagiti kaputotam a kas iti kaadu dagiti bituen iti tangatang wenno dagiti darat iti igid ti baybay. Parmekento dagiti kaputotam dagiti kabusorda.

Genesis 26:22

Pimmanaw sadiay ket nagkali iti sabali a bubon. Gapu ta awan ti riri a timmaud, pinanagananna iti Rehobot. Kinunana, “Ita, inikkannatayo ti Apo iti wayawaya nga agnaed iti daga. Rumang-aytayo ditoy.”

Genesis 26:4

Paraburankanto iti adu a kaputotan a kas iti kaadu dagiti bituen ket itedkonto kadakuada amin daytoy a daga. Dawatento dagiti amin a nasion ditoy lubong a bendisionak ida kas iti panangbendisionko kadagiti kaputotam.

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Genesis 35:11

Ket kinuna ti Dios, “Siak ti Dios a Mannakabalin-amin. Maaddaanka iti adu nga annak. Naindaklanto a nasion ti agtaud kenka ket sikanto ti kapuonan dagiti adu nga ari.

Genesis 46:3

Kinunana, “Siak ti Dios, ti Dios ni amam. Dika agbuteng a mapan idiay Egipto. Pagbalinekto dagiti kaputotam a naindaklan a nasion sadiay.

Genesis 47:27

Nagnaed dagiti Israelita iti deppaar ti Gosen idiay Egipto. Bimmaknangda ken immadu dagiti annakda.

Genesis 48:16

Sapay koma ta bendisionan ida ti anghel a nangispal kaniak iti amin a dakes! Sapay koma ta agbiag kadakuada ti naganko ken ti nagan da ammak nga Abraham ken Isaac. Adunto koma ti annak ken kaputotanda.”

Genesis 48:4

Kinunana kaniak, ‘Paraburankanto iti adu nga annak ket agbalinto dagiti kaputotam a dakkel a nasion. Itedkonto kadakuada daytoy a daga a tagikuaenda iti agnanayon.’”

Genesis 9:1

Binendisionan ti Dios ni Noe ken dagiti annakna. Kinunana, “Aganakkayo iti adu tapno agwaras dagiti kaputotanyo iti amin a paset ti daga.

Nehemias 9:23

Adu nga annak ti imparaburmo kadakuada, kas kadagiti bituen sadi langit ti kaaduda. Pinalubosam ida a mangparmek ken agnaed iti daga nga inkarim nga ited kadagiti kapuonanda.

Dagiti Salmo 105:24

Adu nga annak ti imparabur ti Apo kadagiti tattaona, ket nagbalinda a napigpigsa ngem dagiti kabusorda.

Dagiti Salmo 107:38

Binendisionanna ida ket adu nga annak ti naiparabur kadakuada; dina impalubos a bumassit ti bilang dagiti bakada.

Exodo 1:12

Ngem no kasano ti panangparparigat dagiti Egipcio kadakuada, immad-aduda ketdi ket nagwarasda. Isut' gapuna a kinabuteng ida dagiti Egipcio.

Exodo 12:37

Manipud Rameses, nagrubbuat dagiti Israelita nga agturong idiay Succot. Adda agarup 600,000 a lallaki, malaksid dagiti babbai ken ubbing.

Exodo 5:5

Kinuna pay ti ari, “Dakayo, ad-adukayo payen ngem dagiti Egipcio. Ket ita, kayatyon ti agsardeng nga agtrabaho?”

Ezekiel 16:7

Pinatanorka a kas iti nasalun-at a mula. Pimmigsa ken dimmakkelka ket nagbalinka a balasang. Napintas ti pannakabukel dagiti susom ket immatiddog dagiti buokmo ngem lamolamoka.

Dagiti Aramid 13:17

Ti Dios dagiti Israelita ti nangpili kadagidi kapuonantayo ket pinagbalinna ida a naindaklan a pagilian bayat ti panagnaedda a kas ganggannaet idiay Egipto. Inruarna ida sadiay babaen iti naindaklan a pannakabalinna.

Deuteronomio 10:22

Pitopulo laeng ti bilang dagidi kapuonanyo a napan idiay Egipto. Ngem pinaadunakayon ti Apo a Diosyo a kas kadagiti bituen iti tangatang.”

Deuteronomio 26:5

ket ipakaammoyo iti imatang ti Apo a Diosyo, ‘Maysa nga agalla-alla nga Arameo ni amak a nangipan iti familiana idiay Egipto. Bassit ti bilangda idi napanda sadiay ngem immaduda ket nagbalinda a nabileg a pagilian.