Exodo 1:11 - Ti Baro a Naimbag a Damag Biblia

¹¹ Iti kasta, nangdutokda kadagiti narungsot a kapatas a mangparigat kadagiti Israelita nga agtrabaho iti nadagdagsen pay ngem iti sigud nga ar-aramidenda. Binangon dagiti Israelita ti Pitom ken Rameses, dua a siudad a pagidulinan iti makan.

Ti Biblia (1973)

¹¹ Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 1:11 Iomraidhean Croise

Genesis 15:13

Kinuna ni Yahweh, “Ganggannaetto dagiti kaputotam iti sabali a daga. Agbalindanto a tagabu sadiay ket 400 a tawen a maparparigatdanto.

Genesis 47:11

Pinagtaeng ni Jose ni tatangna ken dagiti kakabsatna iti Egipto. Kas imbilin ti ari, inikkanna ida iti daga iti kasayaatan a paset ti pagilian, iti asideg ti siudad ti Rameses.

1 Ar-ari 9:19

dagiti siudad a nakaidulinan dagiti abastona, dagiti siudad nga ayan dagiti kabalio ken dagiti luganna a pakigubat ken amin a kayatna a bangonen iti Jerusalem, Libano, ken iti sadinoman a lugar iti pagarianna.

2 Cronicas 16:4

Immanamong ni Ben-hadad iti singasing ni Asa. Imbaonna dagiti ofisialesna ken dagiti armadada a mangraut kadagiti siudad ti Israel. Sinakupda ti Ijon, Dan, Abel Bet Maaca ken amin a siudad ti Neftali a nakaidulinan dagiti abasto.

2 Cronicas 8:4

ken sinarikedkedanna ti siudad ti Palmira iti let-ang. Tinarimaanna amin a siudad ti Hamat a pagiduldulinan kadagiti abasto.

Dagiti Salmo 105:13

Nagalla-allada kadagiti nadumaduma a pagilian; nagalis-alisda a nagnaed kadagiti pagarian.

Dagiti Salmo 129:1

Ibagam, O Israel, no kasano ti panangidadanes kenka dagiti kabusormo manipud pay kinaubingmo.

Dagiti Salmo 129:2

“Nakaro ti panangidadanes kaniak dagiti kabusorko manipud pay kinaubingko, ngem pulos a didak naparmek.

Dagiti Salmo 68:13

sinan-kalapati a nakalupkopan iti pirak; sumilsilap ti puro a balitok a payakda. (Iti aldaw ti gubat, apay a nagyan ti dadduma kadakayo iti koral dagiti karnero?)

Dagiti Salmo 81:6

“Inikkatko ti nadagsen nga awit iti abagam; innalak ti basket nga ig-iggamam.

Exodo 1:14

Rimmigat ti biagda. Pinilitda ida nga agtrabaho kadagiti talonda ken agipasdek kadagiti patakderda. Dida naasian kadakuada.

Exodo 2:11

Iti maysa nga aldaw, idi maysan nga agtutubo ni Moises, sinarungkaranna dagiti kadaraanna a Hebreo. Naimatanganna ti pannakaparparigatda. Nadagsen ti trabahoda. Nakitana ti maysa nga Egipcio a mangkabkabil iti maysa a Hebreo.

Exodo 3:7

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda.

Exodo 5:10

Rimmuar dagiti mangimaton kadagiti tagabu ken dagiti kapatas. Kinunada kadagiti Israelita, “Imbaga ti ari a saankayon a maikkan iti garami.

Exodo 5:15

Iti kasta, nagreklamo dagiti kapatas. Napanda iti ari ket kinunada kenkuana, “Apay nga ikaskastoynakami, Natan-ok nga Ari?

Exodo 5:8

Ngem paaramidyo met laeng kadakuada ti sigud a bilang ti ladrilio. Kurang ti trabahoda, isut' gapuna nga agasugda nga agkuna, ‘Palubosandakami a mapan agidaton iti Diosmi.’

Dagiti Proverbio 27:4

Naranggas ken nadawel ti pungtot, ngem nakarkaro pay ti imon.

Numero 20:15

no kasano ti ipapan dagiti kapuonanmi idiay Egipto, ket nagyankami sadiay iti adu a tawen. Pinarparigat dagiti Egipcio dagidi kapuonanmi ken uray dakami.

Deuteronomio 26:6

Pinarparigatdakami dagiti Egipcio ket pinilitdakami nga agtrabaho a kas tagabu.