Ester 9:4 - Ti Baro a Naimbag a Damag Biblia

⁴ Ammo ti entero a pagarian a nagbalinen ni Mardokeo a nabileg a tao iti palasio ket bumilbileg pay.

Ti Biblia (1973)

⁴ Ta dackel idi ni Mardokeo idiay balay ti ari, ket ti damagna naisacnap cadagiti amin a provincia; ta ni lalaki a Mardokeo dumackel la idi a dumackel.

Ester 9:4 Iomraidhean Croise

2 Samuel 3:1

Nabayag bassit a naggubgubat dagiti pasurot ti familia ni Saul ken dagiti pasurot ti familia ni David. Kabayatanna, pimmigsa a pimmigsa ti pannakabalin ni David idinto a kimmapsut a kimmapsut dagiti kabusorna.

1 Cronicas 11:9

Bimmileg a bimmileg ni David ta adda kenkuana ni Yahweh a Mannakabalin-amin.

1 Cronicas 14:17

Nagdinamag ni David iti amin a lugar. Gapu ken ni Yahweh, nagbalin ni David a pagbutbutngan dagiti amin a nasion.

Ester 10:2

Nailanad iti pakasaritaan dagiti ari ti Persia ken Media dagiti amin a naindaklan ken nakakaskasdaaw nga inaramidna agraman ti entero a pakasaritaan iti panangital-ona ken ni Mardokeo iti nangato a saad.

Dagiti Salmo 1:3

Mayarig iti kayo a naimula iti igid ti waig. Nalangto latta dagiti bulongna ken agbunga iti tiempona. Agballigi iti amin nga aramidenna.

Dagiti Salmo 18:43

Insalakannak kadagiti nasukir a tattao, ket pinagturaynak kadagiti pagilian; nagserbi kaniak dagiti saanko idi nga am-ammo.

Dagiti Salmo 92:13

Kasladanto kadagiti kayo a naimula iti balay ti Apo, a rumangpaya iti Templo ti Diostayo.

Exodo 11:3

Intan-ok ni Yahweh dagiti Israelita ket nagraem kadakuada dagiti Egipcio. Kinaagpaysona, imbilang dagiti ofisiales ken dagiti tattao a natan-ok unay ni Moises.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Sofonias 3:19

Umayen dayta nga aldaw! Dusaekto amin a mangilupitlupit kenka. Arayatekto dagiti amin a pilay ket yawidkonto dagiti naitalaw a tattao. Pagbalinekto a dayaw ti pannakaibabainda ket raemento ida ti entero a lubong.

San Mateo 4:24

Nagdinamag ni Jesus iti entero a daga ti Siria. Impan dagiti tattao kenkuana dagiti addaan iti nadumaduma a saksakit ken an-annayen: dagiti linuganan dagiti demonio, dagiti agkiskissiw, ken dagiti paralitiko. Pinaimbag amin ida ni Jesus.

Josue 6:27

Iti kasta, kinadkadua ni Yahweh ni Josue, ket nagdindinamag ni Josue iti entero a pagilian.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.