Ester 8:10 - Ti Baro a Naimbag a Damag Biblia

¹⁰ Pinaisurat ni Mardokeo iti nagan ni Ari Xerxes, ket natimbrean ti surat iti selio ti pagarian. Pinaitulodna dagiti surat kadagiti nagsakay kadagiti napapardas a kabalio ti ari.

Ti Biblia (1973)

¹⁰ Ket nagsurat iti nagan ni ari Asuero, ket isu ti dineppelanna iti singsing ti ari, ket impaw-itna dagiti sursurat cadagiti mangorreo nga agcabayo, nga agsacayda cadagiti nasiglat a cabcabayo a naaramatda idi iti panagservi iti ari, nga inyanac ti napili a cabayo:

Ester 8:10 Iomraidhean Croise

1 Ar-ari 21:8

Nangaramid ti reyna iti sumagmamano a surat. Infirmana ti nagan ni Ahab kadakuada, minarkaanna iti timbre ti ari sana impatulod ida kadagiti ofisiales ken kadagiti mabigbigbig nga umili ti Jezreel.

1 Ar-ari 4:28

Ited met ti tunggal gobernador ti pannakabagina a sebada ken garami a kanen dagiti kabalio a para-guyod kadagiti lugan a pakigubat ken dagiti animal a pagtrabaho. Ipanda dagitoy iti sadinoman a lugar a pakasapulanda.

2 Cronicas 30:6

Iti panagbilin ti ari ken dagiti ofisialesna, adda dagiti naibaon iti entero a Juda ken Israel ket impakaammoda daytoy nga awis: “Tattao ti Israel, agsublikayo iti Apo a Dios da Abraham, Isaac ken Jacob tapno agsubli met ti Apo kadakayo—dakayo a nakalisi iti pannakabalin dagiti ari ti Asiria a nangsakup iti daga.

Ester 8:8

Ngem saan a mawaswas ti bilin a naipaulog iti nagan ti ari ken natimbrean iti selio ti pagarian. Nupay kasta, mabalinyo ti agsurat kadagiti Judio iti aniaman a kayatyo. Mabalinyo nga isurat iti naganko ket timbreanyo iti selio ti pagarian.”

Ti Libro ni Job 9:25

Napardas ti panaglabas dagiti aldawko; awan ti naimbag kadakuada, uray la koma no maysa.

Eclesiastes 8:4

Naturay ti ari ket awan ti makalapped iti aramidenna.

Isaias 60:6

Manipud Midian ken Efa, dumtengto ti adu a bunggoy a nagsakay kadagiti kamelio. Aggapudanto idiay Seba a mangyeg iti balitok ken insenso. Ipakaammonto dagiti tattao dagiti naindaklan nga aramid ti Apo!

Isaias 66:20

Alaendanto dagiti amin a kailianyo manipud kadagiti pagilian ket yawiddanto ida a kas sagut kaniak. Sumangpetdanto a silulugan kadagiti kabalio, mulo, kamelio, lugan a pakigubat ken karison. Maipandanto iti nasantoan a bantayko idiay Jerusalem, kas ipapan dagiti Israelita iti Templok tapno agidatagda kadagiti daton a makan, a naikarga iti nadalus nga alikamen.

Jeremias 2:23

Kasano a kunam a dimo tinulawan ti bagim? Kasano a kunam a dika nagdaydayaw kadagiti didiosen a Baal? Kitaem ti panagbasolmo idi addaka iti tanap; kitaem ti inaramidmo. Arigmo ti agmaya a kamelio a taray a taray

Jeremias 51:21

Pinagtumekka kadagiti kabalio ken kadagiti nagsakay: pinaglasangka kadagiti lugan a pakigubat ken naglugan.

Daniel 4:1

Impatulod ni Ari Nebucadnesar daytoy a mensahena kadagiti amin a tattao ti amin a nasion ken puli iti lubong: “Patpatgek a kailiak:

Daniel 6:8

Ita ngarud, O Ari, ipaulogmo koma ti bilin ket firmaam tapno saan a mabalin a baliwan a kas iti linteg dagiti taga-Media ken taga-Persia.”