Ester 7:9 - Ti Baro a Naimbag a Damag Biblia

⁹ Kinuna ni Harbona a maysa kadagiti eunoko, “Natan-ok nga Ari, nagaramid ni Haman iti pagbitayan a 75 a kadapan ti katayagna iti asideg ti balayna tapno adda pangibitayanna ken ni Mardokeo a nangispal iti biagmo.” “Ibitayyo dita ni Haman,” imbilin ti ari.

Ti Biblia (1973)

⁹ Idin ni Harbona, a maysa cadagiti agayaywan iti siled kinunana iti sango ti ari, Adtoy met, a naipatacder idiay balay ni Aman ti pagbitayan a limapulo a casico ti catayagna, a ni Aman inaramidna a maipaay ken Mardokeo, isu a nagsao iti naimbag a maipaay iti ari. Ket ti ari kinunana, Isu ibitayyo idiay.

Ester 7:9 Iomraidhean Croise

2 Ar-ari 9:32

Timmangad ni Jehu ket impukkawna, “Siasino ti makikadua kaniak?” Dua wenno tallo kadagiti ofisiales ti palasio ti timman-aw iti tawa a nangkita kenkuana

Ester 1:10

Iti maikapito nga aldaw ti padaya, agin-inum ti ari ket naragsak unay. Iti kasta, pinaayabanna dagiti pito nga eunoko nga agserserbi kenkuana, da Mehuman, Bizta, Harbona, Bigta, Abagta, Zetar ken Carcas.

Ester 5:14

Imbalakad ni Zeres ken dagiti gagayyem ni Haman, “Agpaaramidka iti pagbitayan a 75 a kadapan ti kangatona. Inton bigat, dawatem iti ari a mabitay ni Mardokeo dita. Kalpasanna, makadar-ayka a siraragsak iti pannangan.” Nagustoan ni Haman daytoy a balakadda ket nagpaaramid iti pagbitayan.

Ester 6:14

Agsasaritada pay laeng idi sumangpet dagiti eunoko ti palasio ket nagdardarasda nga innala ni Haman tapno dumar-ay iti pasken nga insagana ni Ester.

Ester 6:2

Iti maysa a paset a naibasa, nairaman ti pakasaritaan ti pannakatakuat ni Mardokeo iti panggep da Bigtana ken Teres a mangpapatay iti ari. Dua nga eunoko dagitoy iti palasio a mangguguardia iti kuarto ti ari.

Ester 8:7

Kinuna ngarud ni Ari Xerxes kada Reyna Ester ken Mardokeo a Judio, “Kitaenyo, binitayko ni Haman gapu iti panangisikatna kadagiti Judio ket intedkon ken ni Ester dagiti sanikuana.

Ester 9:14

Imbilin ngarud ti ari a maaramid daytoy. Naipaulog ti bilin idiay Susa ket naibitin iti pagbitayan ti bangkay dagiti annak ni Haman.

Ester 9:25

Ngem napan ni Ester iti ari, ket nangipaulog ti ari iti bilin. Nagbanag a ni Haman ti nagsagaba iti kinaranggas nga ipalak-amna koma kadagiti Judio: nabitayda kadagiti annakna.

Dagiti Salmo 141:10

Sapay koma ta matnag dagiti managdakdakes iti mismo a palab-ogda, idinto a saanak a maan-ano.

Dagiti Salmo 35:8

Ngem madadaeldanto a dida mapakpakadaan; matiliwdanto iti palab-og nga impakatda, ket matnagdanto iti mismo nga abut a kinalida!

Dagiti Salmo 73:19

Apagdarikmat ti pannakaikisapda; nakabutbuteng ti paggibusanda.

Daniel 6:24

Kalpasanna, pinatiliw ti ari dagiti amin a lallaki a nangidarum ken ni Daniel ket pinaitappuakna ida iti rukib dagiti leon, agraman dagiti annak ken assawada. Dida pay nagdisso iti rukib, sinikbaben dagiti leon ida. Narumrumek dagiti tulangda.

Daniel 6:7

Nagnunummoanmi amin a papangulo iti pagarian, dagiti mangimaton, dagiti gobernador, dagiti agtuturay ken dagiti dadduma nga ofisiales a dawatenmi kenka, O Ari, a mangipaulogka iti bilin nga inkapilitan ti pannakatungpalna. Ibilinmo nga iti las-ud ti tallopulo nga aldaw manipud ita, awan ti mapalubosan nga agkararag iti uray ania a didiosen wenno tao malaksid kenka, Natan-ok nga Ari. Madusa ti mangsalungasing iti daytoy a bilin, ket maitappuak iti rukib a napno iti leon.

1 Samuel 17:51

Nagtaray a napan iti yan ni Goliat ket nagtakder iti bangkayna. Inasutna ti kampilan ni Goliat ket pinutolanna. Nagtataray dagiti Filisteo idi nakitada a natayen ti maingelda.