Ester 7:7 - Ti Baro a Naimbag a Damag Biblia

⁷ Sipupungtot a timmakder ti ari, rimmuar iti kuarto a napan iti hardin ti palasio. Narikna ni Haman a desidido ti ari a mangdusa kenkuana, isu a nagbati tapno ipakpakaasina ken ni Reyna Ester a maispal koma ti biagna.

Ti Biblia (1973)

⁷ Ket iti panagpungtot ti ari tinacderanna di daya nga arac ken napan idiay minuyongan ti palacio: ket ni Aman timmacder nga agdawat a maipaay iti biagna ken Ester a reina; ta nakitana a kinedngan ti ari ti dakes a maibusor kencuana.

Ester 7:7 Iomraidhean Croise

Ester 1:12

Ngem idi imbaga dagiti adipen ti bilin ti ari, saan a kinayat ni Reyna Vasti ti mapan. Gapu iti daytoy, simged ti pungtot ti ari.

Ester 1:5

Kalpasan dayta a padaya, impaayanna met ti ari iti padaya nga agpaay kadagiti umili iti Susa, nabaknang ken napanglaw. Pito nga aldaw ti kapaut ti pasken a naangay iti hardin ti palasio.

Ester 7:10

Binitayda ngarud ni Haman iti pagbitayan a nairanta ken ni Mardokeo. Ket bimmaaw ti pungtot ti ari.

Dagiti Salmo 112:10

Makita daytoy dagiti managdakdakes, ket makapungtotda. Agngarrietda ket pumanawda kalpasanna; mapukaw a mamimpinsan ti namnamada.

Dagiti Proverbio 14:19

Agtamed dagiti managdakdakes kadagiti nalinteg ket sipapakumbabada nga agdawat iti paraburda.

Dagiti Proverbio 14:35

Kaay-ayo dagiti ari dagiti ofisiales a makaammo kadagiti trabahoda, ngem dusaenda dagiti agliway kadagiti rebbengenda.

Dagiti Proverbio 16:14

Tarigagayan ti masirib a paragsaken ti ari; no agpungtot ti ari, mabalin nga adda matay.

Dagiti Proverbio 19:12

Mayarig iti ngernger ti leon ti pungtot ti maysa nga ari, ngem ti paraburna kas iti segseggaan a tudo.

Isaias 60:14

Umayto dagiti annak dagiti namarparigat kenka, ket agruknoydanto a mangipakita iti panagraemda. Agdaydayawto iti sakaanam dagidi amin a nanglalais kenka. Awagandakanto iti ‘Ti siudad ti Apo,’ ‘Sion, ti Siudad ti Nasantoan a Dios ti Israel.’

Daniel 3:19

Limmabbaga ti rupa ni Nebucadnesar gapu iti napalalo a pungtotna kada Sedrac, Mesac ken Abednego. Imbilinna a marubroban ti urno iti mamimpito a kapudot ti sigud a pudotna.

Paltiing 3:9

Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.

1 Samuel 20:7

No kunana, ‘Ala, wen,’ awanto ti pakaan-anoak. Ngem no makapungtot isunto ti pakaammoam a pudno a kayatnak a patayen.

1 Samuel 20:9

“Dimo panunoten dayta,” insungbat ni Jonatan. “No maammoak a pudno a dangrannaka ni tatang, ibagak nga ibaga kenka.”

1 Samuel 25:17

Ita, panunotem a naimbag daytoy ket ikeddengmo no ania ti rumbeng nga aramidem amangan la ketdi no dakes ti mapasamak ti apomi ken ti amin a kameng ti familiana. Nadamsak unay ket pulos nga awan ti makatured a makisao kenkuana!”