Ester 6:6 - Ti Baro a Naimbag a Damag Biblia

⁶ Simrek ni Haman ket sinaludsod ti ari kenkuana, “Adda maysa a tao a kayatko unay a padayawan. Ania ti rumbeng nga ipaayko iti dayta a tao?” Gapu ta ipagarup ni Haman nga isu a mismo ti mapadayawan,

Ti Biblia (1973)

⁶ Iti casta ni Aman simrec. Ket ti ari kinunana kencuana, Ania ti maaramidto iti tao a pagrag-oan a dayawen ti ari? Ni Aman kinunana idi pusona, Asino ti pagrag-oan ti ari a pangaramidan iti dayaw a nangnangrona ngem siac met laeng?

Ester 6:6 Iomraidhean Croise

Ester 1:15

Kinunana kadakuada, “Saan a tinungpal ni Reyna Vasti ti bilinko nga indanon kenkuana dagiti imbaonko. Ania ti ituyang ti linteg a maaramid kenkuana?”

Ester 5:11

Impasindayagna kadakuada ti kinabaknangna ken ti kaadu dagiti annakna a lallaki. Impalangguadna pay ti panangingato ti ari kenkuana iti saad, nga isun ti kangatoan nga ofisial ket nangatngato ngem dagiti dadduma nga ofisiales ti ari.

Ester 6:11

Napan ngarud innala ni Haman ti pagan-anay ken ti kabalio. Kinawesanna ni Mardokeo sana pinagsakay iti kabalio ket inlibutna iti plasa ti siudad. Bayat ti pannagnada, ipukpukkawna, “Kitaenyo no kasano a gunggonaan ti ari ti tao a kayatna a padayawan!”

Ester 6:5

Iti kasta, kinuna dagiti adipenna, “Adda ditoy ni Haman nga agur-uray a makisao kenka.” “Pastrekenyo,” imbilin ti ari.

Ester 6:7

kinunana iti ari, “Agpaalaka iti nadaeg a pagan-anay, ti mismo a pagan-anay nga ikawkawesmo, ket itedmo iti daytoy a tao. Paguarnasionam iti napintas ti bukodmo a kabalio a pagsakayanna.

Ester 6:9

Kalpasanna, ayabam ti maysa kadagiti kangatoan nga ofisialesmo tapno kawesanna ken iruarna ti tao a nakakabalio iti plasa ti siudad. Paipukkawmo daytoy iti ofisial bayat ti pannagnada: ‘Kitaenyo no kasano a gunggonaan ti ari ti tao a kayatna a padayawan!’”

Dagiti Salmo 35:27

Agdir-i koma a sirarag-o iti mamin-adu dagiti maragsakan iti pannakawayawayak. Kunada koma, “Naindaklan ti Apo; agragsak iti panagballigi ti adipenna!”

Dagiti Proverbio 1:32

Matay dagiti tattao nga awan padpadasna ta linaisda ti sirib. Madadael dagiti maag gapu iti dida panangikankano.

Dagiti Proverbio 16:18

Agturong ti kinatangsit iti pannakadadael ket ti kinapalangguad iti pannakatnag.

Dagiti Proverbio 18:12

Saan a maraem ti maysa a tao no saan a napakumbaba; ti natangsit a tao agturong iti pannakadadael.

Dagiti Proverbio 30:13

Adda dagiti tattao a mangipagarup a naimbagda—ket anian a nagimbag ti panangipagarupda kadagiti bagbagida!

Isaias 42:1

Kuna ti Apo, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Jeremias 32:41

Pagragsakakto ti agaramid kadakuada iti naimbag. Iti amin a puso ken kararuak, pagnaedekto ida iti agnanayon iti daytoy a daga.

Obadias 1:3

Inallilawnaka ti kinapalangguadmo. Nasarikedkedan iti pasig a bato ti kabeseram; adda kadagiti nangato a bantay ti balaymo. Gapu iti daytoy kunam iti bagim, ‘Adda aya makabael a mangipababa kaniak?’

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Lucas 14:9

Umayto kenka ti nangawis kadakayo a dua ket kunana, ‘Pangngaasim ta itedmo dayta a tugaw kenkuana.’ Mabainankanto ket kapilitan nga agtugawka iti kanumoan a pagyanan.

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.