Ester 6:4 - Ti Baro a Naimbag a Damag Biblia

⁴ Sinaludsod ti ari, “Siasino kadagiti ofisialesko ti adda iti palasio?” Nairana a simrek ni Haman iti akinruar a paraangan; napan iti palasio tapno dawatenna iti ari a mabitay ni Mardokeo iti pagbitayan a naisaganan.

Ti Biblia (1973)

⁴ Ket ti ari kinunana, Asino ti adda iti paraangan? Ket ni Aman dimtengen iti makinruar a paraangan ti balay ti ari, a mangibaga iti ari a maibitay ni Mardokeo idiay pagbitayan a sinaganana a maipaay kencuana.

Ester 6:4 Iomraidhean Croise

Ester 4:11

“Mapapatay ti siasinoman a lalaki wenno babai a sumrek iti akin-uneg a paraangan tapno dumatag iti ari no saan a naayaban. Dayta ti linteg. Ammo amin daytoy dagiti mammagbaga iti ari ken dagiti tattao kadagiti probinsia. Awan ti makalisi iti daytoy a linteg malaksid no ipaturong ti ari kenkuana ti balitok a setrona ket iti kasta, saan a mapapatay. Adda makabulanen a dinak inayaban ti ari.”

Ester 5:1

Iti maikatlo nga aldaw a panagayunar ni Ester, inkawesna ti pagan-anayna a reyna. Napan iti akin-uneg a paraangan ti palasio a sumango iti kuarto nga ayan ti trono. Agtugtugaw idi ti ari iti tronona a sumangsango iti ruangan.

Ester 5:14

Imbalakad ni Zeres ken dagiti gagayyem ni Haman, “Agpaaramidka iti pagbitayan a 75 a kadapan ti kangatona. Inton bigat, dawatem iti ari a mabitay ni Mardokeo dita. Kalpasanna, makadar-ayka a siraragsak iti pannangan.” Nagustoan ni Haman daytoy a balakadda ket nagpaaramid iti pagbitayan.

Ester 6:3

Sinaludsod ti ari, “Nagunggonaan kadi wenno napadayawan ni Mardokeo iti daytoy nga inaramidna?” Imbaga dagiti adipenna nga awan ti naipaay ken ni Mardokeo.

Ester 6:5

Iti kasta, kinuna dagiti adipenna, “Adda ditoy ni Haman nga agur-uray a makisao kenka.” “Pastrekenyo,” imbilin ti ari.

Ester 7:9

Kinuna ni Harbona a maysa kadagiti eunoko, “Natan-ok nga Ari, nagaramid ni Haman iti pagbitayan a 75 a kadapan ti katayagna iti asideg ti balayna tapno adda pangibitayanna ken ni Mardokeo a nangispal iti biagmo.” “Ibitayyo dita ni Haman,” imbilin ti ari.

Dagiti Salmo 2:4

Iti tronona sadi langit, agkatawa ti Apo ket laisenna ti nakapuy a panggepda.

Dagiti Salmo 33:19

Iti patay, isalakanna ida; iti tiempo ti bisin, dina ipalubos a matayda.

Eclesiastes 9:10

Iti aniaman nga aramidmo, ipakatmo ti amin a kabaelam, gapu ta iti daga dagiti natay a papanam, dikanto agtrabaho wenno agpanunot ken awanto ti banag a pangusaram iti ammom wenno kinasiribmo.