Ester 6:3 - Ti Baro a Naimbag a Damag Biblia

³ Sinaludsod ti ari, “Nagunggonaan kadi wenno napadayawan ni Mardokeo iti daytoy nga inaramidna?” Imbaga dagiti adipenna nga awan ti naipaay ken ni Mardokeo.

Ti Biblia (1973)

³ Ket ti ari kinunana, Ania a dayaw ken caicarian ti naited idi ken Mardokeo gapu itoy? Idin kinuna dagiti ad-adipen ti ari a nagannong kencuana, Awan ti naaramid a maipaay kencuana.

Ester 6:3 Iomraidhean Croise

Genesis 40:23

Ngem saan a nalagip ti agiserserbi iti arak ni Jose. Nalipatanna a namimpinsan ni Jose.

1 Cronicas 11:6

Kinuna ni David, “Ti umuna a makapatay iti Jebuseo, isunto ti agbalin a pangulo ti armada!” Ni Joab nga anak ni Sarvia ti nangidaulo kadagiti rimmaut ket nagbalin a pangulo.

Ester 6:2

Iti maysa a paset a naibasa, nairaman ti pakasaritaan ti pannakatakuat ni Mardokeo iti panggep da Bigtana ken Teres a mangpapatay iti ari. Dua nga eunoko dagitoy iti palasio a mangguguardia iti kuarto ti ari.

Ester 6:4

Sinaludsod ti ari, “Siasino kadagiti ofisialesko ti adda iti palasio?” Nairana a simrek ni Haman iti akinruar a paraangan; napan iti palasio tapno dawatenna iti ari a mabitay ni Mardokeo iti pagbitayan a naisaganan.

Eclesiastes 9:15

Adda maysa a tao sadiay; napanglaw ngem masirib. Naisalakanna koma ti ili, ngem awan ti nakalagip kenkuana.

Daniel 5:16

Ita adda agkuna a kabaelam nga ibaga dagiti nailemmeng a kaipapanan ken ammom nga ilawlawag dagiti palimed. No mabasam ti naisurat ket ibagam kaniak ti kaipapananna, ikkanka iti pammadayaw. Makawesankanto iti napateg a lupot a nalabaga, makuentasankanto iti balitok ken maisaadkanto a maikatlo a kangatoan iti turay iti pagarian.”

Daniel 5:29

Imbilin a dagus ni Belsazar a maikkan ni Daniel iti pammadayaw. Nakawesan iti napateg a lupot a nalabaga, naukkoran iti kuentas a balitok ket naisaad a maikatlo a kangatoan iti turay iti pagarian.

Daniel 5:7

Iti napigsa a timek, pinaayabanna dagiti salamangkero, dagiti mammadles ken dagiti astrologo. Idi dumtengda, kinuna ti ari kadakuada, “Ikkak iti pammadayaw ti siasinoman a makabasa iti naisurat ken makailawlawag iti kayatna a sawen. Makawesanto iti napateg a lupot a nalabaga, maukkoranto iti kuentas a balitok ken maisaadto a maikatlo a kangatoan nga agturay iti pagarian.”