Ester 6:12 - Ti Baro a Naimbag a Damag Biblia

¹² Nagsubli ni Mardokeo iti ruangan ti palasio. Nagawid met ni Haman a mangab-abbong iti rupana gapu iti bain.

Ti Biblia (1973)

¹² Ket ni Mardokeo immay manen idiay ruangan ti ari. Ngem ni Aman nagdaras a napan iti balayna, nga agleddaang ken siaabbong ti olona.

Ester 6:12 Iomraidhean Croise

2 Samuel 15:30

Agsangsangit ni David a simmang-at idiay Bantay Olibo. Sakasaka ket naabungotan ti ulona kas mangipakita iti ladingitna. Siaabungot met dagiti amin a sumursurot kenkuana ket agsangsangitda met a simmang-at.

2 Samuel 17:23

Idi makita ni Ahitofel a saan a nasurot ti patigmaanna, sinilyaanna ti asnona ket nagawid iti ilina. Intedna ti maudi a bilinna kadagiti kabbalayna sa nagbitay. Naitabon iti lugar a pagitantaneman ti familiana.

1 Ar-ari 20:43

Mariribuk ken madandanagan ti ari idi agawid idiay Samaria.

1 Ar-ari 21:4

Nagawid ni Ahab a mariribuk ken makapungtot gapu iti sinao ni Nabot kenkuana. Nagidda iti katrena, simmango iti diding ket dina kayat ti mangan.

1 Ar-ari 21:6

Insungbat ni Ahab, “Gapu iti imbaga kaniak ni Nabot. Insingasingko a gatangek ti kaubasanna wenno suktak iti sabali a kaubasan no dayta ti kayatna ngem imbagana a diak mabalin a tagikuaen ti kaubasanna!”

2 Cronicas 26:20

Idi kitaen ni Azarias ken dagiti kaduana a papadi ti ari ket naimatangda ti kukutel iti mugingna, dinagdagusda a pinapanaw iti Templo. Nagdardaras a rimmuar ti ari gapu ta dinusa ni Yahweh.

Ester 2:19

Kabayatanna, dinutokan ti ari ni Mardokeo iti natan-ok a saad iti palasio.

Ester 6:11

Napan ngarud innala ni Haman ti pagan-anay ken ti kabalio. Kinawesanna ni Mardokeo sana pinagsakay iti kabalio ket inlibutna iti plasa ti siudad. Bayat ti pannagnada, ipukpukkawna, “Kitaenyo no kasano a gunggonaan ti ari ti tao a kayatna a padayawan!”

Ester 7:8

Idi agsubli ti ari a naggapu iti hardin, nadanonna ni Haman iti sofa ni Ester ket sipapakleb iti sangoananna. Idi makita ti ari, impukkawna, “Ramesen kadi daytoy a tao ti reyna iti sangoanak ken iti mismo nga uneg ti palasiok?” Apaman a naisao ti ari daytoy, inabungotan dagiti eunoko ti ulo ni Haman.

Ti Libro ni Job 20:5

awan ti managdakdakes a nagbayag ti ragsakna.

Ti Libro ni Job 9:24

Inyawat ti Dios ti lubong kadagiti managdakdakes. Kinullaapanna ti mata dagiti amin nga ukom. No saan a ti Dios ti akin-aramid iti daytoy, siasino ngarud?

1 Samuel 3:15

Nagidda ni Samuel agingga iti bigat. Bimmangon ket napanna inlukat dagiti ruangan ti balay ni Yahweh. Mabuteng a mangibaga iti parmata ken ni Eli.