Ester 5:11 - Ti Baro a Naimbag a Damag Biblia

¹¹ Impasindayagna kadakuada ti kinabaknangna ken ti kaadu dagiti annakna a lallaki. Impalangguadna pay ti panangingato ti ari kenkuana iti saad, nga isun ti kangatoan nga ofisial ket nangatngato ngem dagiti dadduma nga ofisiales ti ari.

Ti Biblia (1973)

¹¹ Ket ni Aman sinaritana manen cadacuada ti dayag dagiti kinabacnangna, ken ti caadu dagiti annacna, ken amin dagiti banbanag a nangingatoan ti ari kencuana, ken no casano ti panangitan-ocna kencuana iti ngato dagiti pangoloen ken ad-adipen ti ari.

Ester 5:11 Iomraidhean Croise

Genesis 31:1

Nadamag ni Jacob nga ibagbaga dagiti kayongna nga innalana amin a sanikua ni Laban. Nagtaud kano iti daytoy ti amin a kinabaknangna.

Ester 1:4

Iti las-ud ti innem a bulan, imparangna ti kinabaknang ti palasiona—ti daeg ken pintasna!

Ester 3:1

Iti saan a mabayag, insaad ni Ari Xerxes ti maysa a tao nga agnagan iti Haman a kangatoan nga ofisial ti pagarian. Isu ti anak ni Hammedata a nagtaud iti kaputotan ni Agag.

Ester 8:15

Rimmuar ni Mardokeo iti palasio, nadaeg ti arruatna: asul ken puraw a pagan-anay, ken nalabaga a linen a kagay, ken nadayag a balitok a koronana. Ket nagallangogan ti dir-i kadagiti kalsada idiay Susa gapu iti ragsak dagiti umili.

Dagiti Salmo 49:6

wenno kadagiti tattao nga agtalek iti kinabaknangda, ket pagpasindayagda ti adu a sanikuada.

Dagiti Salmo 49:7

Pulos a dinto masubbot ti tao ti bagina; saanna met a mabayadan ti biagna iti Dios,

Dagiti Salmo 52:9

Kanayon nga agyamanak kenka, O Dios, gapu iti inaramidmo. Itan-okkanto iti sango dagiti tattaom ket ipakdaarkonto ti kinaimbagmo.

Isaias 10:8

Ipangpangasna: “Ari amin a pangulo ti buyotko!

Daniel 4:30

Kinunana, “Anian a nagpintas ti Babilonia! Binangonko a kabeserak a pakakitaan iti pannakabalin ken bilegko, iti dayag ken kinatan-okko.”

San Marcos 10:24

Nasdaaw dagiti adalan gapu kadagitoy a saona, ngem intuloy ni Jesus ti nagkuna, “Annakko, anian a nagrigat ti sumrek iti Pagarian ti Dios!

1 Timoteo 6:17

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.