Ester 5:1 - Ti Baro a Naimbag a Damag Biblia

¹ Iti maikatlo nga aldaw a panagayunar ni Ester, inkawesna ti pagan-anayna a reyna. Napan iti akin-uneg a paraangan ti palasio a sumango iti kuarto nga ayan ti trono. Agtugtugaw idi ti ari iti tronona a sumangsango iti ruangan.

Ti Biblia (1973)

¹ Naaramid iti maicatlo nga aldaw, a ni Ester nagkawes ti naarian a pagan-anay, ket nagtacder idiay naununeg a paraangan ti balay ti ari, iti sangoanan ti balay ti ari: ket nagtugaw ti ari iti tronona a naarian idiay balay a naarian, iti sangoanan ti pagsercan ti balay.

Ester 5:1 Iomraidhean Croise

Ester 1:11

Imbilinna kadakuada nga idatagda ni Reyna Vasti a sikokorona. Napintas ti reyna ket kayat ti ari nga ipasindayag ti kinapintas ti asawana kadagiti ofisiales ken amin a sangailina.

Ester 2:5

Adda idi maysa a Judio nga agnaed idiay Susa. Isu ni Mardokeo nga anak ni Jair. Nagtaud iti tribu ti Benjamin ket kaputotan da Kis ken Simei.

Ester 4:11

“Mapapatay ti siasinoman a lalaki wenno babai a sumrek iti akin-uneg a paraangan tapno dumatag iti ari no saan a naayaban. Dayta ti linteg. Ammo amin daytoy dagiti mammagbaga iti ari ken dagiti tattao kadagiti probinsia. Awan ti makalisi iti daytoy a linteg malaksid no ipaturong ti ari kenkuana ti balitok a setrona ket iti kasta, saan a mapapatay. Adda makabulanen a dinak inayaban ti ari.”

Ester 4:16

“Ummongem ti amin a Judio nga adda iti Susa. Agayunarkayo ket idawdawatandak. Dikay mangan wenno uminum iti uray ania iti tallo nga aldaw ken rabii. Agayunarakto met agraman dagiti adipenko a babbai. Kalpasanna, uray no maisalungasing iti linteg, innakto iti ari ket no pakatayak, awatek a siraragsak.”

Ester 4:17

Pimmanaw ni Mardokeo ket tinungpalna amin nga imbilin ni Ester.

Ester 6:4

Sinaludsod ti ari, “Siasino kadagiti ofisialesko ti adda iti palasio?” Nairana a simrek ni Haman iti akinruar a paraangan; napan iti palasio tapno dawatenna iti ari a mabitay ni Mardokeo iti pagbitayan a naisaganan.

Ester 8:15

Rimmuar ni Mardokeo iti palasio, nadaeg ti arruatna: asul ken puraw a pagan-anay, ken nalabaga a linen a kagay, ken nadayag a balitok a koronana. Ket nagallangogan ti dir-i kadagiti kalsada idiay Susa gapu iti ragsak dagiti umili.

San Mateo 10:16

“Dumngegkayo! Ibaonkayo a kas karnero iti ayan ti arban dagiti lobo. Ngarud, masapul a nasiribkayo a kas iti uleg ken naamokayo a kas iti kalapati.

San Mateo 11:8

Ania kadi ti napanyo kinita? Maysa a tao a nagkawes iti napintas a pagan-anay? Kinapudnona, palasio ti pagnaedan dagiti agkawes iti kasta.

San Mateo 27:64

Ibilinmo ngarud a maguardiaan a naimbag ti tanem agingga iti maikatlo nga aldaw amangan no mapan takawen dagiti adalanna ti bangkay sadanto ibaga kadagiti tattao a napagungar ni Jesus. Ta no kasta ti mapasamak, dakdakesto ti maudi a panangallilaw ngem ti immuna.”

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.