Ester 4:5 - Ti Baro a Naimbag a Damag Biblia

⁵ Kalpasanna, pinaayaban ni Ester ni Hatak a maysa kadagiti eunoko iti palasio a dinutokan ti ari nga agserbi kenkuana. Binilinna ni Hatak a mapan ken ni Mardokeo tapno ammoenna ti mapaspasamak ken no apay a kasta ti ar-aramiden ni Mardokeo.

Ti Biblia (1973)

⁵ Idin pinaayaban ni Ester ni Atac, a maysa cadagiti agaywan iti siled ti ari, a natudingan nga agservi kencuana, ket isu ti kinumitanna a mapan ken Mardokeo, tapno ammoenna no ania daytoy idi ken ti gapuna.

Ester 4:5 Iomraidhean Croise

Ester 1:10

Iti maikapito nga aldaw ti padaya, agin-inum ti ari ket naragsak unay. Iti kasta, pinaayabanna dagiti pito nga eunoko nga agserserbi kenkuana, da Mehuman, Bizta, Harbona, Bigta, Abagta, Zetar ken Carcas.

Ester 1:12

Ngem idi imbaga dagiti adipen ti bilin ti ari, saan a kinayat ni Reyna Vasti ti mapan. Gapu iti daytoy, simged ti pungtot ti ari.

Ester 4:10

Pinagsubli ni Ester ni Hatak ket pinaibagana daytoy ken ni Mardokeo:

Ester 4:4

Napalalo ti pannakariribuk ni Reyna Ester idi ipadamag dagiti adipenna a babbai ken eunoko ti ar-aramiden ni Mardokeo. Nagpaitulod iti pagan-anay ken ni Mardokeo tapno suktanna ti nakersang a lupot a kawesna, ngem saan nga inawat ni Mardokeo.

Ester 4:6

Napan ni Hatak iti ayan ni Mardokeo iti plasa iti sangoanan ti ruangan ti palasio.

Ester 4:9

Nagtungpal ni Hatak.

Taga-Roma 12:15

Makipagragsakkayo kadagiti agragsak. Makipagsangitkayo kadagiti agsangit.

1 Taga-Corinto 12:26

No agsagaba ti maysa a paset, makipagsagaba met dagiti dadduma. No maidayaw ti maysa, makipagragsak met dagiti dadduma.

Taga-Filipos 2:4

Saan la a ti pagimbaganyo ti kitaenyo. Kitaenyo met ti pagimbagan ti tunggal maysa.

Hebreo 4:15

Maawatan ti Kangatoan a Padi nga agserserbi kadatayo ti kinakapuytayo. Kas kadatayo, napadas iti amin a kita ti sulisog ngem saan a nagbasol.