Ester 3:8 - Ti Baro a Naimbag a Damag Biblia

⁸ Kinuna ni Haman iti ari, “Adda naidumduma a tattao nga agnaed ken nawaraswaras iti amin a probinsia ti pagariam. Maigiddiat ti ugalida kadagiti dadduma a tattao, ket dida agtungpal kadagiti linteg ti pagarian. Natan-ok nga Ari, saanmo a pagimbagan no bay-am a kastoy ti aramidda.

Ti Biblia (1973)

⁸ Ket kinuna ni Aman ken ari Asuero, Adda maysa nga ili a naiwara ken naiwaras iti tengnga dagiti il-ili cadagiti amin a provincia ti panapagariam; ket dagiti linlintegda maisupadi cadagidiay iti tunggal umili; uray dagiti linlinteg ti ari dida salimetmetan: gapuna a saan a maipaay a paggungunaan ti ari ti panagibtur cadacuada.

Ester 3:8 Iomraidhean Croise

ESDRAS 4:6

Idi mangrugi ti panagturay ni Emperador Xerxes, nangidatag dagiti kabusor dagiti tattao nga agnaed iti Juda ken Jerusalem kadagiti naisurat a darumda kadakuada.

Nehemias 1:8

Lagipem ita ti imbagam ken ni Moises, ‘Dakayo nga Israelita, no saankayo nga agtalinaed a napudno kaniak, iwaraswaraskayto kadagiti amin a nasion.

Ester 3:9

No kayatmo, Natan-ok nga Ari, adda koma ipaulogmo a bilin a mapapatayda, ket ikarik a mangtedak iti 375 a tonelada a pirak iti pagidulinan iti kuarta a maaramat iti pannakaituray ti pagarian.”

Ester 4:1

Idi maammoan ni Mardokeo ti amin a naaramid, rinay-abna ti pagan-anayna, nagkawes iti nakersang a lupot, winarakiwakanna ti ulona iti dapu ket nagpagnapagna iti siudad nga agan-anug-og iti napigsa ken nasaem.

Jeremias 33:24

“Saanmo aya a nadlaw ti kunkuna dagiti tattao a linaksidko ti Israel ken Juda dagiti dua a familia a pinilik? Iti kasta, lalaisenda dagiti tattaok ken saandan nga ibilang ida a nasion.

Jeremias 50:17

Kuna ni Yahweh, “Mayarig dagiti Israelita iti arban ti karnero a kinamatkamat ken winarawara dagiti leon. Rinangrangkay nga immuna ida ti ari ti Asiria. Kalpasanna, nginutngotan ni Ari Nebucadnesar dagiti tultulangda.

Ezekiel 11:16

“Ita, ibagam daytoy kadagiti kaduam a napagtalaw. Siak ti nangibaon kadakuada nga agnaed kadagiti adayo a pagilian ket inwarawarak ida kadagiti nadumaduma a nasion. Nupay kasta, siakto ti agpaay a santuarioda bayat ti kaaddada iti sadinoman a pagilian a nakaipananda.

Ezekiel 6:8

“Ilisikto iti pannakapapatay ti sumagmamano ket iwarawarakto ida kadagiti nasion a pagnaedandanto.

Daniel 3:8

Sumagmamano kadagiti taga-Babilonia ti nangala iti daytoy a gundaway a nangbabalaw kadagiti Judio.

Daniel 6:13

Kinunada iti ari, “Ni Daniel a maysa kadagiti napagtalaw a kas balud idiay Juda, saannaka a raemen a kas ari ket dina tungpalen ti impaulogmo nga bilin. Mamitlo nga agkararag iti maysa nga aldaw.”

Daniel 6:14

Napalalo ti pannakariribuk ti ari idi mangngegna ti imbagada. Nagbirok iti pamuspusan a mangispal ken ni Daniel. Nagmalmalem a nagpampanunot no ania ti aramidenna.

Levitico 26:33

Yegkonto ti gubat kadakayo ket iwarawarakayto kadagiti nadumaduma a pagilian. Awanton ti matagtagitao iti dagayo ket aglangalangto dagiti siudadyo.

Zacarias 7:14

Kaslaak la bagio a nangipalais kadakuada ket nawarawarada a nagnaed kadagiti nadumaduma a pagilian. Pinaglangalang dagita a nasion daytoy nasayaat a daga ket awan ti nabati nga agnaed.”

Numero 23:9

Manipud nangato a kabatoan, makitak ida, manipud katurturodan, maimatangak ida maysa a nasion nga agbiag nga agmaymaysa, naiduma a pagilian, naisalsalumina.

San Juan 7:35

Kinuna dagiti papangulo a Judio iti maysa ken maysa, “Sadino ngata ti papananna tapno ditayto masarakan? Mapanto ngata kadagiti il-ili dagiti Griego a yan dagiti naiwaraswaras a Judio ket isuronanto dagiti Griego?

Dagiti Aramid 24:5

Natakuatanmi a nakaam-amak daytoy a tao. Idadauloanna ti riribuk kadagiti Judio iti entero a lubong. Isu pay ti pangulo ti sekta dagiti Nazareno.

Dagiti Aramid 28:22

Ngem kayatmi a denggen ti kapanunotam ta ammomi nga iti amin a lugar, agsasao dagiti tattao iti maibusor iti daytoy a sekta a nakikaduaam.”

Deuteronomio 30:3

kaasiannakayto ti Apo a Diosyo. Alaennakayto kadagiti pagilian a nangiwarasanna kadakayo ket parang-ayennakayto manen.

Deuteronomio 32:26

Pinukawko la koma amin idan, tapno awan makalaglagip kadakuada.

Deuteronomio 4:27

Iwarawaranakayto ti Apo kadagiti sabali a nasion; manmanonto kadakayo ti makalasat sadiay.

Santiago 1:1

Patgek a Kakabsat: Kablaawankay amin a tattao ti Dios a naiwaraswaras iti entero a lubong. Siak, ni Santiago nga agserserbi iti Dios ken ni Apo Jesu-Cristo, ti naggapuan daytoy a surat.

1 Pedro 1:1

Patgek a Kakabsat: Kablaawankayo a napili a tattao ti Dios a naiwaraswaras a kas ganggannaet nga agnanaed iti Ponto, Galacia, Capadocia, Asia ken Bitinia. Napilikayo a kas mayannurot iti panggep ti Dios Ama ken napasantokayo babaen iti Espirituna ken tapno agtulnogkayo ken ni Jesu-Cristo ket madalusankay iti darana. Sapay koma ta maaddaankay iti naan-anay a parabur ken talna. Siak ni Pedro nga apostol ni Jesu-Cristo.