Ester 3:7 - Ti Baro a Naimbag a Damag Biblia

⁷ Bulan idi ti Nisan, ti umuna a bulan ti maika-12 a tawen a panagturay ni Ari Xerxes. Naaramid iti sangoanan ni Haman ti binnunot a maaw-awagan iti Pur tapno maammoan no ania nga aldaw ken bulan ti pannakapapatay dagiti amin a Judio. Napili ti maika-13 nga aldaw iti maika-12 a bulan a maaw-awagan iti Adar.

Ti Biblia (1973)

⁷ Idi umuna a bulan nga isu ti bulan a Nisan, idi maicasangapulo ket dua a tawen ni Ari Asuero inaramidda ti Pur, a cayat a saoen a naggiginnasangasatda iti sangoanan ni Aman iti inaldawaldaw, ken iti binulanbulan, agingga iti maicasangapulo ket dua a bulan, nga isu ti bulan nga Adar.

Ester 3:7 Iomraidhean Croise

ESDRAS 4:6

Idi mangrugi ti panagturay ni Emperador Xerxes, nangidatag dagiti kabusor dagiti tattao nga agnaed iti Juda ken Jerusalem kadagiti naisurat a darumda kadakuada.

ESDRAS 6:15

Nalpasda iti maikatlo nga aldaw ti bulan a maaw-awagan iti Adar, iti maikanem a tawen a panagturay ni Emperador Dario.

Nehemias 2:1

Bulan idi ti Nisan, iti maika-20 a tawen a panagturay ni Artaxerxes. Iti maysa nga aldaw a mangmangan ti ari, impanko ti arak kenkuana. Idi pay laeng a nadlawna a nalidayak, isut'

Ester 1:3

Iti maikatlo a tawen a panagarina, impaayanna iti padaya dagiti amin nga ofisiales ken dadduma nga agtuturay iti pagarianna. Dimmar-ay dagiti pangulo dagiti armada ti Persia ken Media agraman dagiti gobernador ken natatan-ok a tattao kadagiti probinsia.

Ester 2:16

Ngarud, iti maikapito a tawen a panagari ni Xerxes, iti maika-10 a bulan a maaw-awagan iti Tebet, naidatag ni Ester ken ni Ari Xerxes iti palasio.

Ester 9:1

Dimteng ti maika-13 nga aldaw iti bulan ti Adar. Daytoy ti aldaw a naituding a pannakaipatungpal ti bilin ti ari. Ninamnama dagiti kabusor dagiti Judio a parmekenda dagiti Judio iti daytoy nga aldaw. Ngem baliktad ti napasamak ta dagiti Judio ketdi ti nangparmek kadagiti kabusorda.

Ester 9:21

Binilinna ida a rambakanda ti maika-14 ken maika-15 nga aldaw ti Adar iti tunggal tawen.

Ester 9:5

Iti kasta, naaramid dagiti Judio ti kinayatda nga aramiden kadagiti kabusorda. Sikakampilanda a nangdarup kadagiti kabusorda ket pinapatay ken rinangrangkayda ida.

Dagiti Proverbio 16:33

Agbibinnunot dagiti tattao tapno ammoenda ti pagayatan ti Dios, ngem ti Dios a mismo ti mangikeddeng iti sungbat.

San Mateo 27:35

Inlansada ni Jesus iti krus. Nagbibingayanda ti pagan-anayna babaen iti panagbibinnunotda