Ester 3:13 - Ti Baro a Naimbag a Damag Biblia

¹³ Naipan dagiti kopia daytoy a bilin iti amin a probinsia ti pagarian. Nailanad kadagitoy a bilin a mapapatay amin a Judio—agtutubo ken nataengan, babbai ken ubbing—iti maysa nga aldaw, iti maika-13 nga aldaw iti bulan ti Adar, ket masamsam dagiti sanikuada.

Ti Biblia (1973)

¹³ Ket naipacorreo dagiti sursurat cadagiti amin a provincia ti ari, tapno mangdadael, mangpatay, ken mangpapucaw, cadagiti amin a Judio, agtutubo man ken lallacay agpadpada, ubbing a babassit ken babbai, iti maymaysa nga aldaw, iti met laeng maicasangapulo ket tallo nga aldaw ti maicasangapulo ket dua a bulan, nga isu ti bulan nga Adar, ken alaenda ti samsam cadacuada a maipaay a maysa a tinucmaan.

Ester 3:13 Iomraidhean Croise

2 Cronicas 30:6

Iti panagbilin ti ari ken dagiti ofisialesna, adda dagiti naibaon iti entero a Juda ken Israel ket impakaammoda daytoy nga awis: “Tattao ti Israel, agsublikayo iti Apo a Dios da Abraham, Isaac ken Jacob tapno agsubli met ti Apo kadakayo—dakayo a nakalisi iti pannakabalin dagiti ari ti Asiria a nangsakup iti daga.

Ester 7:4

Nailakokamin—siak ken dagiti tattaok—tapno mapapatay. No nailakokami laeng a matagabu, agulimekak ket diakon ringgoren ti ari, ngem dandanidakam patayenen ket mapukawkamton!”

Ester 8:5

“Natan-ok nga Ari, no maragsakanka, no ay-ayatennak met laeng ken no ipagarupmo a naimbag, pangngaasim ta mangipaulogka iti bilin a mangwaswas iti naiwaragawag a bilin ni Haman nga anak ni Hammedata a kaputotan ni Agag, a mangpapatay kadagiti amin a Judio iti pagarian.

Ester 9:1

Dimteng ti maika-13 nga aldaw iti bulan ti Adar. Daytoy ti aldaw a naituding a pannakaipatungpal ti bilin ti ari. Ninamnama dagiti kabusor dagiti Judio a parmekenda dagiti Judio iti daytoy nga aldaw. Ngem baliktad ti napasamak ta dagiti Judio ketdi ti nangparmek kadagiti kabusorda.

Ester 9:10

Dagitoy dagiti sangapulo a lallaki nga annak ni Haman nga anak ni Hammedata ken kabusor dagiti Judio. Nupay kasta, saan a nagsamsam dagiti Judio.

Ester 9:5

Iti kasta, naaramid dagiti Judio ti kinayatda nga aramiden kadagiti kabusorda. Sikakampilanda a nangdarup kadagiti kabusorda ket pinapatay ken rinangrangkayda ida.

Ti Libro ni Job 9:25

Napardas ti panaglabas dagiti aldawko; awan ti naimbag kadakuada, uray la koma no maysa.

Isaias 10:6

Imbaonka a mangraut iti nasion a saan nga agbuteng iti Dios, kadagiti tattao a namagpungtot kaniak. Imbaonko ida nga agsamsam, agtakaw ken mangibaddebaddek kadagiti tattao a kas tapok kadagiti kalsada.”

Jeremias 51:31

Agsasaruno ti agtaray a mangipadamag iti ari ti Babilonia a nakastreken dagiti kabusor iti amin a bakud ti siudad.

Taga-Roma 3:15

Napardasda a mangdangran ken mangpapatay;

Santiago 2:13

Ta dinto mangngaasi ti Dios inton ukomenna ti tao a di nangngaasi; ngem inton oras ti panangukom, agballiginto ti kaasi.

1 Samuel 15:3

Inka rauten dagiti Amalekita, ket dadaelem a mamimpinsan ti amin a sanikuada. Awan ti ibatim a sibibiag. Patayem amin a lallaki, babbai, ubbing ken maladaga, dagiti baka ken karnero, dagiti kamelio ken dagiti asno.”

1 Samuel 22:19

Pinapapatay met ni Saul ti dadduma nga agnaed iti Nob a siudad dagiti papadi. Babbai ken lallaki, ubbing ken maladaga, bakbaka ken asno ken karnero—napapatayda amin.