Ester 3:10 - Ti Baro a Naimbag a Damag Biblia

¹⁰ Inuksot ti ari ti singsingna ket intedna ken ni Haman nga anak ni Hammedata a kabusor dagiti Judio. Maus-usar ti singsing a pangtimbre kadagiti bilin nga ipaulog ti ari.

Ti Biblia (1973)

¹⁰ Ket sinucto ti ari di singsingna idi ramayna, ket intedna ken Aman nga anac a lalaki ni Amadata nga Agageo, a cabusor dagiti Judios.

Ester 3:10 Iomraidhean Croise

Genesis 41:42

Inikkat ti ari ti singsingna a nakitikitan iti marka ti pagarian ket inyusongna iti ramay ni Jose. Kinawesanna ni Jose iti linen a pagan-anay sana inukkoran iti balitok a kuentas.

Ester 3:1

Iti saan a mabayag, insaad ni Ari Xerxes ti maysa a tao nga agnagan iti Haman a kangatoan nga ofisial ti pagarian. Isu ti anak ni Hammedata a nagtaud iti kaputotan ni Agag.

Ester 3:11

Kinuna ti ari kenkuana, “Adda iti pannakabalinmo dagiti tattao ken dagiti kuartada. Aramidem ti kayatmo kadakuada.”

Ester 3:9

No kayatmo, Natan-ok nga Ari, adda koma ipaulogmo a bilin a mapapatayda, ket ikarik a mangtedak iti 375 a tonelada a pirak iti pagidulinan iti kuarta a maaramat iti pannakaituray ti pagarian.”

Ester 7:6

“Maysa a kabusormi! Maysa a mangidadanes kadakami. Awan sabali no di ni Haman a managdakdakes,” insungbat ni Ester. Kasta unay ti danag ni Haman a simmango iti ari ken reyna.

Ester 8:2

Inuksot ti ari ti singsing nga adda timbrena sana inted ken ni Mardokeo. Daytoy daydi singsing nga intedna ken ni Haman ngem innalana met laeng. Dinutokan ni Ester ni Mardokeo nga enkargado iti amin a sanikua ni Haman.

Ester 8:8

Ngem saan a mawaswas ti bilin a naipaulog iti nagan ti ari ken natimbrean iti selio ti pagarian. Nupay kasta, mabalinyo ti agsurat kadagiti Judio iti aniaman a kayatyo. Mabalinyo nga isurat iti naganko ket timbreanyo iti selio ti pagarian.”