Ester 2:9 - Ti Baro a Naimbag a Damag Biblia

⁹ Nagustoan ni Hegai ni Ester ket nagun-od ni Ester ti panangipateg ni Hegai kenkuana. Dinagdagus ni Hegai nga inrugi ti pannakapapintas ni Ester babaen iti masahe ken ti pannangtedna kenkuana iti naisangsangayan a taraon. Intedna ti kapintasan a kuarto kenkuana ket nangpili iti pito a babbai a naggapu iti palasio nga agserbi kenkuana.

Ti Biblia (1973)

⁹ Ket ti balasang nacaayayo kencuana, ket di balasang nacagun-od iti kinaimbag kencuana; ket intedna a nasingdat idi balasang dagiti banbanag a maipaay iti panaggugor, agraman cadagiti apagna, ken pito a babbalasang a maitutop a maited kencuana a naggapuda iti balay ti ari: ket isu ti inyallatiwna ken dagiti babbalasangna iti casayaatan a disso ti balay dagiti babbai.

Ester 2:9 Iomraidhean Croise

Genesis 39:21

Ngem saan a binaybay-an ni Yahweh. Binendisionanna ni Jose, isu a nagbalin a nasayaat kenkuana ti guardia ti pagbaludan.

Genesis 39:4

Naay-ayo ni Potifar kenkuana, ket pinagbalinna a katalek iti balay ken mangaywan iti amin a sanikuana.

1 Ar-ari 8:50

Pakawanem koma dagiti amin a basolda ken ti ibubusorda kenka. Ipamuspusam a kaasian ida dagiti kabusorda.

ESDRAS 7:6

Masirib ni Ezra ket naan-anay ti ammona maipapan iti linteg nga inted ni Yahweh a Dios ti Israel ken ni Moises. Gapu ta binendisionan ti Dios, inted kenkuana ti emperador ti amin a dawatenna. Iti maikapito a tawen a panagturay ni Artaxerxes, napan ni Ezra idiay Jerusalem. Kinaduana ti maysa a bunggoy dagiti Israelita a buklen dagiti papadi, Levita, kantores iti templo, guardia ti templo ken dagiti trabahador.

Nehemias 2:8

Indawatko pay a suratanna ni Asaf, ti agay-aywan iti bakir a kukua ti ari tapno ikkannak kadagiti kayo a masapul kadagiti ruangan ti sarikedked ti Templo, kadagiti bakud ti siudad ken iti balay a pagnaedak. Pinatgan ti ari ti amin a dawatko agsipud ta adda ti Dios kaniak.

Ester 2:12

Makatawen ti naituding a pannakapapintas dagiti babbai. Innem a bulan a masapsapoanda iti lana ti mirra ken innem met a bulan iti bangbanglo. Kalpasanna, maipan ti tunggal babai ken ni Ari Xerxes no dumteng ti batangna.

Ester 2:3

Mangdutokka kadagiti ofisiales iti tunggal probinsia ti pagarian, ket payegmo kadakuada dagitoy a babbalasitang ditoy Susa a kabesera a siudad, iti intudingmo a pagnaedan dagiti kakasta a babbai. Maipaaywanda ken ni Hegai, ti eunoko a para aywan kadagiti babbaim, tapno mapapintasda.

Ester 5:2

Idi makitana ni Reyna Ester nga agtaktakder iti ruar, naragsakan ket impaturongna kenkuana ti balitok a setro. Immasideg ni Ester sana sinagid ti murdong ti setro.

Dagiti Salmo 106:46

Inallukoyna ti rikna dagiti nangadipen kadakuada a nangaasi kadakuada.

Dagiti Proverbio 16:7

No maay-ayo kenka ti Apo, mapagbalinmo a gayyem dagiti kabusormo.

Daniel 1:9

Indalan met ti Dios ti ofisial a makipagrikna ket palugodanna ni Daniel.

Dagiti Aramid 7:10

Tinulongan ti Dios iti aniaman a pakarigatanna. Inikkanna iti sirib ken naimbag a kababalin idi agparang iti Faraon nga ari ti Egipto. Dinutokan ti Faraon ni Jose a gobernador iti Egipto ken iti entero a familiana.