Ester 2:7 - Ti Baro a Naimbag a Damag Biblia

⁷ Adda kasinsin ni Mardokeo nga agnagan Ester. Hadasa ti naganna iti Hebreo. Idi natay dagiti nagannak ken ni Ester, innala ni Mardokeo ket pinadakkelna a kas pudno nga anakna. Nalibnos a balasang ni Ester ket napintas ti pammagina.

Ti Biblia (1973)

⁷ Ket tinagibina ni Hadassa, nga isu, ni Ester, nga anac a babai ni ulitegna: ta ni Ester awan idi ti amana ken inana, ket ti balasang naimnas idi ken nalibnos; ket idi natay da amana ken inana, ni Mardokeo innalana a cas anacna a babai.

Ester 2:7 Iomraidhean Croise

Genesis 48:5

Intuloy ni Jacob, “Jose, ibilangko nga annakko dagiti dua nga annakmo a nayanak ditoy Egipto. Wen, kukuak da Efraim ken Manases a kas kada Ruben ken Simeon.

Ester 1:11

Imbilinna kadakuada nga idatagda ni Reyna Vasti a sikokorona. Napintas ti reyna ket kayat ti ari nga ipasindayag ti kinapintas ti asawana kadagiti ofisiales ken amin a sangailina.

Ester 2:15

Dimteng ti batang ni Ester a mapan iti ari, ni Ester nga anak ni Abihail ken kasinsin ni Mardokeo a pannakaamana, ni Ester a raraemen ti amin a makakita kenkuana. Inkawesna ti pagan-anay nga imbaga ni Hegai nga aramatenna. Ni Hegai ti para aywan iti kuarto dagiti babbai.

Ester 2:20

No maipapan ken ni Ester, inlimedna ti kina-Judiona, kas imbilin ni Mardokeo kenkuana. Tinungpalna ni Mardokeo a kas iti panagtungpalna kenkuana idi ubing pay laeng.

Ester 8:1

Iti dayta nga aldaw, inted ni Ari Xerxes ken ni Reyna Ester ti amin a sanikua ni Haman a kabusor dagiti Judio. Imbaga ni Ester iti ari a kabagianna ni Mardokeo ket manipud idin, mapalubosanen ni Mardokeo a dumatag iti ari.

Ti Libro ni Job 31:17

Diak met impalubos a mabisinan dagiti ulila; no la ket adda taraonko, pakanek met ida.

Ti Libro ni Job 31:18

Intedko ti masapulda bayat ti panagbiagko.

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

Taga-Efeso 6:4

Dakay a nagannak, dikay agsao wenno agaramid kadagiti banag a mamataud iti panagpungtot dagiti annakyo kadakayo. Padakkelenyo ketdi ida iti nakristianoan a pannakadisiplina ken pammagbaga.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.