Ester 10:3 - Ti Baro a Naimbag a Damag Biblia

³ Ni laeng Mardokeo a Judio ti sumaruno iti saad ni Ari Xerxes. Raemen ken ipatpateg unay dagiti padana a Judio. Intrabahona ti pagimbagan dagiti kailianna ken ti kinatalged dagiti amin a kaputotanna.

Ti Biblia (1973)

³ Ta ni Mardokeo a Judio isu idi ti sumaganad ken ari Asuero, ken dackel iti nagtengngaan dagiti Judio, ket inanamongan dagiti umariwecwec a cacabsatna, nga agsapul iti pagimbagan ti ilina ken agsao iti talna iti amin a caputotanna.

Ester 10:3 Iomraidhean Croise

Genesis 41:40

Isaadka a mangituray iti pagiliak ket tungpalendakanto dagiti amin a tattao. Sika laeng ti sumaruno kaniak iti kinaturay.

Genesis 45:10

Sadiay Gosen ti pagnaedanna tapno asideg kaniak—isu, dagiti annakna, dagiti appokona, dagiti karnerona, dagiti kaldingna, dagiti bakana ken amin a sanikuana.

Genesis 45:11

No addakayo idiay Gosen, siakto ti makaammo kadakayo amin sadiay. Lima pay a tawen ti panagbisin ket diak kayat a mabisinankayo kadagiti familiayo ken ti amin nga animalyo.”

2 Cronicas 28:7

Maysa a soldado nga Israelita nga agnagan iti Zikri ti nangpatay ken ni Maaseyas nga anak ni Ari Ahaz, ni Azrikam a mangimaton iti palasio, ken ni Elkana a sumaruno iti ari iti turay.

Nehemias 2:10

Ngem nakapungtot ni Sanballat a taga-Bet Horon ken ni Tobias nga ofisial nga Ammonita idi nadamagda nga adda simmangpet nga agtrabaho iti pagimbagan dagiti Israelita.

Ester 2:5

Adda idi maysa a Judio nga agnaed idiay Susa. Isu ni Mardokeo nga anak ni Jair. Nagtaud iti tribu ti Benjamin ket kaputotan da Kis ken Simei.

Ester 3:2

Binilin ti ari dagiti amin nga ofisiales nga agserserbi kenkuana a raemenda ni Haman babaen iti panagparintumeng ken panagtamedda kenkuana. Nagtungpalda amin iti bilin, malaksid ni Mardokeo.

Daniel 5:16

Ita adda agkuna a kabaelam nga ibaga dagiti nailemmeng a kaipapanan ken ammom nga ilawlawag dagiti palimed. No mabasam ti naisurat ket ibagam kaniak ti kaipapananna, ikkanka iti pammadayaw. Makawesankanto iti napateg a lupot a nalabaga, makuentasankanto iti balitok ken maisaadkanto a maikatlo a kangatoan iti turay iti pagarian.”

Daniel 5:29

Imbilin a dagus ni Belsazar a maikkan ni Daniel iti pammadayaw. Nakawesan iti napateg a lupot a nalabaga, naukkoran iti kuentas a balitok ket naisaad a maikatlo a kangatoan iti turay iti pagarian.

Daniel 6:3

Iti saan a nabayag, impakita ni Daniel a nasaysayaat ti trabahona ngem dagiti dadduma a mangipangulo ken dagiti gobernador. Agsipud ta naisangsangayan ti kabaelanna, pinanggep ti ari nga isaad ni Daniel a mangimaton iti entero a pagarian.

Taga-Roma 10:1

Kakabsatko, tarigagayak iti amin a pusok a maisalakan koma dagiti kadaraak! Nasged ti panangidawdawatko kadakuada iti Dios!

Taga-Roma 14:18

Ket no kastoy ti panagserbi ti maysa a tao ken Cristo, paragsakenna ti Dios ket magun-odna ti panagraem ti padana a tao.

1 Samuel 18:16

Nupay kasta, inay-ayat dagiti amin nga Israelita ken taga-Juda ni David, ta impanguloanna ida iti amin a pakigubatanda.

1 Samuel 23:17

“Saanka nga agbuteng,” kinuna ni Jonatan. “Dinaka mabalin a dangran ni tatangko. Agbalinkanto nga ari ket siakto ti sumaruno kenka iti saad, kas pagaammo ni tatangko.”