Ester 1:6 - Ti Baro a Naimbag a Damag Biblia

⁶ Naarkosan ti paraangan kadagiti puraw ken asul a kurtina a naibitin kadagiti sinan-singsing a pirak a naikapet kadagiti tali a linen a nalabaga. Marmol nga adigi ti nakaikapetanda. Adda dagiti sofa a balitok ken pirak iti paraangan a nabaldosaan iti marmol a puraw, nalabaga, amarilio ken nangisit.

Ti Biblia (1973)

⁶ Adda idi naisalapay a puraw a lupot, verde, ken azul, a naicapetda cadagiti tali a lienzo a nalapat, ken purpura cadagiti singsing a pirac ken monmonmon a marmol: dagiti pappapag balitoc ken piracda, iti rabaw ti pagpayatan a nabaldosaan iti nalabaga, ken puraw, ken amarillo, ken nangisit a marmol.

Ester 1:6 Iomraidhean Croise

Ester 7:8

Idi agsubli ti ari a naggapu iti hardin, nadanonna ni Haman iti sofa ni Ester ket sipapakleb iti sangoananna. Idi makita ti ari, impukkawna, “Ramesen kadi daytoy a tao ti reyna iti sangoanak ken iti mismo nga uneg ti palasiok?” Apaman a naisao ti ari daytoy, inabungotan dagiti eunoko ti ulo ni Haman.

Ester 8:15

Rimmuar ni Mardokeo iti palasio, nadaeg ti arruatna: asul ken puraw a pagan-anay, ken nalabaga a linen a kagay, ken nadayag a balitok a koronana. Ket nagallangogan ti dir-i kadagiti kalsada idiay Susa gapu iti ragsak dagiti umili.

Exodo 26:1

“Aramidem ti akin-uneg a paset ti santuario, ti Tolda ti Dios, iti sangapulo a kurtina a naabel iti nalamuyot a linen ken de lana nga asul, ube ken nalabaga. Pabordaam dagitoy kadagiti imahen dagiti kerubim.

Ezekiel 23:41

Agtugawda iti nalamuyot a pagiddaan. Iti lamisaan iti sangoda, ikabilda dagiti insenso ken lana ti olibo nga intedko kadakuada.

Amos 2:8

Iti amin a lugar a pagdaydayawan, pagturogda dagiti pagan-anay a salda dagiti pautangda. Iti templo ti Diosda, agiinumda iti arak nga innalada kadagiti nakautang kadakuada.

Amos 3:12

Kuna ni Yahweh, “Kas iti agpaspastor a ti laeng dua a saka wenno maysa a lapayag ti karnero ti maagawna iti ngiwat ti maysa a leon, kastanto met ti pannakaispal dagiti tattao ti Samaria nga agid-idda kadagiti agkakapintas a sofa. Manmanonto laeng kadakuada ti maisalakan.

Amos 6:4

Asikayo pay, dakayo nga agid-idda kadagiti napipintas ken nalamuyot a sofa ken agsidsida iti karne ti urbon a karnero ken baka.

1 Samuel 28:23

Nagkedked ni Saul ket imbagana a pulos a saan a mangan. Ngem pinilit met dagiti ofisialesna a mangan. Impangagna met laeng ti dawatda ket timmakder sa napan nagtugaw iti katre.