Ester 1:3 - Ti Baro a Naimbag a Damag Biblia

³ Iti maikatlo a tawen a panagarina, impaayanna iti padaya dagiti amin nga ofisiales ken dadduma nga agtuturay iti pagarianna. Dimmar-ay dagiti pangulo dagiti armada ti Persia ken Media agraman dagiti gobernador ken natatan-ok a tattao kadagiti probinsia.

Ti Biblia (1973)

³ Iti maicatlo a tawen ti panagarina, inaramidna ti maysa a rambac a maipaay cadagiti amin a pangpangoloenna ken ad-adipenna; ti pannacabalin ti Persia ken Media, dagiti natacneng ken pangpangoloen dagiti provprovincia, nga addada idi iti sangona;

Ester 1:3 Iomraidhean Croise

Genesis 40:20

Kasangay ti ari iti maikatlo nga aldaw, ket nangipaay iti maysa a padaya para kadagiti amin nga ofisialesna. Winayawayaanna ti agiserserbi iti arak ken ti pangulo a panadero, ket indatagna ida kadagiti ofisialesna.

1 Ar-ari 3:15

Nakariing ni Solomon ket nabigbigna a nagsao kenkuana ti Dios iti maysa a tagtagainep. Idi nagsubli idiay Jerusalem, napan iti sangoanan ti Lakasa ti Tulag ni Yahweh ket nagidatag kadagiti daton a mapuoran ken daton a pakikappia. Kalpasanna, pinadayaanna dagiti amin nga ofisialesna.

ESDRAS 1:2

“Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

Ester 1:14

Pito kadagitoy nga ofisiales a taga-Persia ken Media ti masansan a pakiumananna. Isuda da Carsena, Setar, Admata, Tarsis, Meres, Marsena ken Memucan. Isuda ti agakem iti kangatoan a saad iti pagarian.

Ester 1:4

Iti las-ud ti innem a bulan, imparangna ti kinabaknang ti palasiona—ti daeg ken pintasna!

Ester 2:18

Kalpasanna, nangipaay iti dakkel a padaya a kas pammadayaw ken ni Ester. Inawisna dagiti ofisiales ken dagiti agserserbi kenkuana iti trono. Inwaragawagna pay ti panagfiesta ti entero a pagarian ket nagibunong kadagiti sagut a kas maikanatad nga aramiden ti maysa nga ari.

Ester 3:7

Bulan idi ti Nisan, ti umuna a bulan ti maika-12 a tawen a panagturay ni Ari Xerxes. Naaramid iti sangoanan ni Haman ti binnunot a maaw-awagan iti Pur tapno maammoan no ania nga aldaw ken bulan ti pannakapapatay dagiti amin a Judio. Napili ti maika-13 nga aldaw iti maika-12 a bulan a maaw-awagan iti Adar.

Isaias 21:2

Adda nakitak a parmata dagiti nakaam-ames a pasamak, maysa a parmata maipapan iti panangliput ken pannakadadael. Dakay a soldado ti Elam, rumautkayo! Dakayo a soldado ti Media, lakubenyo dagiti siudad! Gibusan ti Dios ti panagsagaba nga inyeg ti Babilonia.

Jeremias 51:11

Gapu ta panggep ni Yahweh a dadaelen ti Babilonia, tinignayna dagiti ari ti Media. Kastoy ti panangibalesna iti pannakadadael ti Templona. Imbilin dagiti dumarup nga ofisiales, “Asaenyo dagiti panayo! Isaganayo dagiti kalasagyo!

Daniel 5:1

Iti maysa a rabii, inawis ni Ari Belsazar ti sangaribu nga ofisialesna a dumar-ay iti dakkel a padaya, ket nagiinumda iti arak.

Daniel 5:28

Parsin, nabingayen ti pagariam ket naited kadagiti taga-Medo ken taga-Persia.”

Daniel 6:1

Nangdutok ni Dario iti 120 a gobernador iti entero a pagarian.

Daniel 8:20

“Ti nakitam a kalakian a karnero a dua ti sarana, iladawanna dagiti pagarian ti Media ken Persia.

San Marcos 6:21

Ngem dimteng ti gundaway ni Herodias. Agkasangay idi ni Herodes ket nagpadaya para kadagiti nangato nga agtuturay iti gobierno, dagiti ofisiales ti militar ken dagiti nalalatak nga umili ti Galilea.