ESDRAS 5:2 - Ti Baro a Naimbag a Damag Biblia

² Idi mangngeg da Zerubbabel nga anak ni Salatiel ken ni Josue nga anak ni Josadac dagitoy a mensahe, inrugida manen a bangonen ti Templo. Tinulongan dagiti dua a profeta ida.

Ti Biblia (1973)

² Idin timmacder ni Zorobabel nga anac ni Sealtiel, ken ni Jesua nga anac ni Josadec, ket rinugianda a bangonen ti balay ti Dios nga adda idiay Jerusalem; ket cadacuada adda idi dagiti mammadto ti Dios, a tumultulong cadacuada.

ESDRAS 5:2 Iomraidhean Croise

ESDRAS 1:8

Inyawatna ida ken ni Mitredat a pangulo ti tesoreria ti pagarian. Nangaramid ni Mitredat iti listaan dagitoy para ken ni Sesbasar a gobernador ti Juda.

ESDRAS 10:18

Daytoy ti listaan dagiti nagasawa kadagiti ganggannaet a babbai: Dagiti papadi a nailista segun ti familiada: Iti familia ni Josue ken dagiti kakabsatna nga annak ni Josadac: Maasias, Eliezer, Jarib ken Gedalias.

ESDRAS 3:2

Binangonda manen ti altar ti Dios ti Israel tapno adda pagidataganda kadagiti daton a mapuoran, kas mayannurot iti Linteg ni Moises, ti tao ti Dios. Impanguloan ida ni Josue nga anak ni Josadac, ken dagiti papadi agraman ni Zerubbabel nga anak ni Salatiel.

ESDRAS 3:8

Iti kasta, iti maikadua a bulan ti maikadua a tawen kalpasan ti panagsubli dagiti Israelita iti nakabangonan idi ti Templo idiay Jerusalem, inrugida ti trabaho. Nagtitinnulong da Zerubbabel, Josue, amin a kakailianda, agraman dagiti papadi ken Levita. Kinapudnona, timmulong amin dagiti Israelita a nagsubli idiay Jerusalem. Dagiti amin a Levita nga agtawen iti 20 wenno nasursurok ti mangimaton iti panagtrabaho iti Templo.

ESDRAS 6:14

Napardas ti trabaho dagiti papangulo a Judio iti pannakabangon ti Templo ta pinapigsa ida da profeta Haggeo ken profeta Zacarias. Nalpasda ti Templo kas imbilin ti Dios ti Israel ken kas imbilin dagiti emperador ti Persia—da Ciro, Dario ken Artaxerxes.

Haggeo 2:18

Iti daytoy maika-24 nga aldaw iti maikasiam a bulan, ita ta naipasdeken dagiti fondasion ti Templo, panunotenyo a naimbag ti mapasamak manipud ita.

Zacarias 4:14

“Dagitoy dagiti dua a lallaki a pinili ken kinonsagrar ti Dios nga agserbi kenkuana nga Apo ti entero a daga,” kinunana.

Zacarias 4:4

Sinaludsodko iti anghel, “Ania ti kaipapanan dagitoy, apo?”

Zacarias 6:11

Aramidem a korona dagiti balitok ken pirak nga intedda samo ibalangat ken ni Josue a nangato a padi nga anak ni Josadac.

Zacarias 8:9

“Pakirdenyo ti pakinakemyo, dakayo a tattao. Dagiti mangmangngegyo ita, isu met laeng ti insasao dagiti profeta idi maisaad dagiti fondasion tapno mabangon manen ti Templok.

2 Taga-Corinto 1:24

Dimi panggep nga ibaga kadakayo no ania ti masapul a patienyo; natibkerkayon iti pammati. Agtartrabahokami ketdi kadakayo para iti bukodyo a pagragsakan.