ESDRAS 4:3 - Ti Baro a Naimbag a Damag Biblia

³ Ngem imbaga da Zerubbabel, Josue ken dagiti papangulo dagiti familia, “Saanmi a masapul ti tulongyo iti panangbangonmi iti templo ti Apo a Diosmi. Dakam a mismo ti mangbangon, ta kasta ti imbilin ni Ciro nga emperador ti Persia.”

Ti Biblia (1973)

³ Ngem da Zorobabel, ken Jesua, ken dagiti matda cadagiti pangpangoloen dagiti balbalay dagiti amma ti Israel, kinunada cadacuada, Awan ti bibiangyo cadacami iti panangbangonmi iti maysa a balay nga agpaay iti Diosmi; no di ket dacami met laeng bangonenmi nga agpaay ken Jehova, a Dios ti Israel, a cas ni ari Ciro nga ari ti Persia imbilinna cadacami.

ESDRAS 4:3 Iomraidhean Croise

2 Cronicas 36:22

Tapno matungpal ti impaltiing ni Yahweh ken ni profeta Jeremias, tinignayna ni Ciro nga emperador ti Persia tapno mangipaulog iti bilin a maibasa iti entero a paset ti pagarianna. Napasamak daytoy iti umuna a tawen a panagturay ni Ciro.

ESDRAS 1:1

Iti umuna a tawen a panagturay ni Ciro nga emperador ti Persia, tinignay ni Yahweh ti ari tapno mangipaulog iti bilin a maibasa iti entero a pagarianna. Naaramid daytoy tapno matungpal ti sao ni Yahweh babaen ken ni profeta Jeremias.

ESDRAS 1:2

“Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

ESDRAS 1:3

Sapay koma ta adda ti Dios kadakayo amin a tattaona. Inkayo idiay Jerusalem, ket bangonenyo manen ti Templo ti Apo a Dios ti Israel, ti Dios a pagdaydayawan idiay Jerusalem.

ESDRAS 3:8

Iti kasta, iti maikadua a bulan ti maikadua a tawen kalpasan ti panagsubli dagiti Israelita iti nakabangonan idi ti Templo idiay Jerusalem, inrugida ti trabaho. Nagtitinnulong da Zerubbabel, Josue, amin a kakailianda, agraman dagiti papadi ken Levita. Kinapudnona, timmulong amin dagiti Israelita a nagsubli idiay Jerusalem. Dagiti amin a Levita nga agtawen iti 20 wenno nasursurok ti mangimaton iti panagtrabaho iti Templo.

Nehemias 2:20

“Pagballigiennakaminto ti Dios ti Langit,” insungbatko. “Dakami dagiti adipenna ket rugianmin ti agbangon. Awan ti kalinteganyo a mangtagikua iti aniaman iti Jerusalem, ket awan met pasetyo iti pakasaritaanna.”

Isaias 44:28

Kunak ken ni Ciro, ‘Sika ti tudingak nga agturay, aramidemto ti kayatko nga aramidem; ibilinmonto a mabangon manen ti Jerusalem ken maisaad ti fondasion ti Templo.’”

Isaias 45:4

Dutokanka a tumulong kadagiti Israelita, dagiti tattao a pinilik nga adipenko. Inikkanka iti naindaklan a pammadayaw, nupay dinak am-ammo.

San Mateo 10:16

“Dumngegkayo! Ibaonkayo a kas karnero iti ayan ti arban dagiti lobo. Ngarud, masapul a nasiribkayo a kas iti uleg ken naamokayo a kas iti kalapati.

San Juan 4:9

“Ania?” kinuna ti babai. “Maysaka a Judio, ket makiinumka kaniak a Samaritana?” (Ta saan nga ugali dagiti Judio ti makilangenlangen kadagiti Samaritano.)

Dagiti Aramid 8:21

Awan pakaibiangam wenno kalintegam iti trabahomi. Ammo ti Dios a saan a nadalus ti pusom.