ESDRAS 2:1 - Ti Baro a Naimbag a Damag Biblia

¹ Adu kadagiti napagtalaw a kas balud ti pimmanaw iti probinsia ti Babilonia ket nagsublida idiay Jerusalem ken Juda. Tunggal maysa napan iti ilina. Manipud intalaw ida ni Nebucadnesar, nagtalinaeden dagiti familiada a kas balud idiay Babilonia.

Ti Biblia (1973)

¹ Ket dagitoy dagiti annac a naggapu iti provincia, a simmang-atda a naggapu ti pannacacayaw dagiti naipanaw, a ni Nabucodonosor nga ari ti Babilonia impanna idi iti Babilonia, ket nagsublida iti Jerusalem, ken iti Juda, tunggal maysa iti ilina;

ESDRAS 2:1 Iomraidhean Croise

2 Ar-ari 25:11

Kalpasanna, impanna idiay Babilonia dagiti tattao a nagtalinaed iti siudad, dagiti nabati a karpintero ken dagiti simmuko iti ari ti Babilonia.

1 Cronicas 9:1

Nailista iti Libro dagiti Ari ti Israel ti amin nga Israelita segun iti familiada. Naitalaw dagiti tattao ti Juda ket naipanda idiay Babilonia a kas dusa dagiti basolda.

1 Cronicas 9:2

Kadagiti immuna a nagsubli iti dagada kadagiti siudad, mairaman dagiti Israelita a saan a padi, dagiti papadi, Levita ken dagiti agtartrabaho iti templo.

ESDRAS 1:11

Agdagup amin iti 5,400 dagiti balitok ken pirak a malukong ken dadduma pay nga alikamen nga intugot ni Sesbasar ken dagiti napagtalaw a kas balud idi pimmanawda idiay Babilonia tapno agsublida idiay Jerusalem.

ESDRAS 2:2

Impanguloan ida da Zerubbabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum ken Baana. Daytoy ti listaan dagiti familia ti Israel ken ti bilang ti tunggal familia:

ESDRAS 2:70

Nagnaed dagiti papadi, Levita ken sumagmamano a tattao idiay Jerusalem ken dagiti kabangibangna. Kadagiti kabangibang nga ili ti nagyanan dagiti musiko, dagiti para-bantay iti templo, ken dagiti agserserbi iti templo. Napan dagiti dadduma nga Israelita kadagiti sigud nga ilida.

ESDRAS 5:8

“Kayatmi nga ipakaammo, Natan-ok nga Emperador, a napankam iti probinsia ti Juda ket natakuatanmi a mabangbangon manen ti Templo ti Naindaklan a Dios. Dadakkel a bato ti aramaten dagiti tattao ket kayo dagiti pasanggir a maikamang iti bakud. Nagagetda nga agtrabaho ket adu ti malpas iti inaldaw.

ESDRAS 6:2

Ngem iti siudad ti Ecbatana, iti probinsia ti Media, ti nakasarakanda iti maysa a nalukot a pagbasaan. Kastoy ti nailanad:

ESDRAS 8:35

Nagidatag dagiti amin a nagsubli a napagtalaw a kas balud kadagiti daton a mapuoran iti Dios ti Israel. Para iti amin nga Israel, 12 a toro a baka ti indatagda ken 96 a kalakian a karnero, 77 nga urbon ti karnero ken 12 a kalding ti naidaton para iti pannakadalusda iti basol. Napuoran amin dagitoy nga animal a kas daton iti Apo.

Nehemias 12:1

Daytoy ti listaan dagiti papadi ken Levita a naitalaw a kas balud ken nagsubli a kadua ni Zerubbabel nga anak ni Salatiel ken ni Josue a Nangato a Padi:

Ester 1:1

Ni Xerxes ti ari idi. Agdagup iti 127 a probinsia ti inturayanna, manipud India agingga idiay Etiopia. Idiay Susa a kabesera ti Persia ti nagturayanna nga ari.

Ester 1:11

Imbilinna kadakuada nga idatagda ni Reyna Vasti a sikokorona. Napintas ti reyna ket kayat ti ari nga ipasindayag ti kinapintas ti asawana kadagiti ofisiales ken amin a sangailina.

Ester 1:3

Iti maikatlo a tawen a panagarina, impaayanna iti padaya dagiti amin nga ofisiales ken dadduma nga agtuturay iti pagarianna. Dimmar-ay dagiti pangulo dagiti armada ti Persia ken Media agraman dagiti gobernador ken natatan-ok a tattao kadagiti probinsia.

Ester 1:8

Saan a nakedngan ti panaginum. Imbilin ti ari kadagiti agserserbi iti palasio nga ipalubosda nga agpennek nga uminum ti tunggal maysa.

Ester 8:9

Napasamak daytoy iti maika-23 nga aldaw iti maikatlo a bulan a maaw-awagan iti Sivan. Inayaban ni Mardokeo dagiti sekretario ti ari ket indiktarna ti surat nga agpaay kadagiti Judio, kadagiti gobernador, kadagiti administrador, kadagiti ofisiales kadagiti 127 a probinsia manipud India agingga iti Etiopia. Naisurat daytoy a bilin iti bukod a panagsurat ken bukod a pagsasao ti tunggal probinsia, kasta met iti bukod a panagsurat ken bukod a pagsasao dagiti Judio.

Isaias 48:20

Panawanyo ti Babilonia ket agbalinkayo a siwawaya! Idir-iyo a siraragsak ti damag, ket ipakaammoyo iti amin a lugar: “Insalakan ti Apo ti Israel nga adipenna!”

Jeremias 50:19

Isublikto dagiti Israelita iti dagada. Agpennekdanto a mangan kadagiti agtubo idiay Bantay Carmel ken iti sakup ti Basan, kasta met kadagiti katurturodan ti Efraim ken Galaad.

Dungdung-aw 1:3

Awan gawayna a tagabu dagiti tattao ti Juda. Napilitda a naitalaw kadagiti pagtaenganda. Agnaeddan iti sabali a dagdaga. Ket awan ti disso a mabalinda a kuna a kukuada. Linawlaw ida dagiti kabusorda ket awan ti paglisianda.

Dungdung-aw 1:5

Nagballigi dagiti kabusorna, Adda ti Jerusalem iti pannakabalinda. Pinagsagaba ni Yahweh gapu kadagiti adu a basolna. Uray dagiti annakna natiliwda ket naipanawda.

Dungdung-aw 4:22

Nalpasen a nadusa ti Sion gapu kadagiti basolna; wayawayaannatayon ti Apo iti pannakaibaludtayo iti sabali a daga. Ngem dusaennakayto ti Apo, dakayo nga Edomita. Ibutaktaknanto dagiti basbasolyo!

Sofonias 2:7

Sakupento dagiti nakalasat a taga-Juda ti dagayo. Ipaarabdanto dagiti arbanda sadiay ket maturogdanto kadagiti balbalay iti Askelon. Addanto kadakuada ti Apo a Diosda ket parang-ayennanto manen ida.

Dagiti Aramid 23:34

Binasa ti gobernador ti surat sana sinaludsod ken ni Pablo no ania a probinsia ti nagtaudanna. Idi maammoanna a taga-Cilicia,