ESDRAS 1:7 - Ti Baro a Naimbag a Damag Biblia

⁷ Insubli pay ni Ciro dagiti malukong ken kopa nga innala idi ni Ari Nebucadnesar iti Templo idiay Jerusalem ken inkabilna iti templo dagiti didiosenna.

Ti Biblia (1973)

⁷ Casta met a ni ari Ciro inruarna dagiti al-alicamen ti balay ni Jehova, nga innala idi ni Nabucodonosor idiay Jerusalem, ket incabilna idi iti balay dagiti didiosna;

ESDRAS 1:7 Iomraidhean Croise

2 Ar-ari 24:13

Innala ni Nebucadnesar ti amin a gameng iti Templo ken iti palasio ket impanna dagitoy idiay Babilonia. Kas impakaammo ni Yahweh, binurburak ni Nebucadnesar dagiti balitok nga alikamen nga inaramid ni Ari Solomon a maar-aramat iti Templo.

2 Cronicas 36:10

Iti panangrugi ti tawen, innala ni Ari Nebucadnesar ni Jehoyakin ket impanna a kas balud idiay Babilonia. Innalana met dagiti gameng ti templo. Insaad ni Nebucadnesar ni Zedekias a kabsat ni Jehoyakin a kas ari ti Juda ken Jerusalem.

2 Cronicas 36:18

Sinamsam ti ari ti Babilonia ti amin nga alikamen iti uneg ti Templo agraman dagiti sanikua ti ari ken dagiti ofisialesna, ket impanna dagitoy idiay Babilonia.

2 Cronicas 36:7

Impanna met iti palasiona dagiti dadduma a gameng ti Templo.

ESDRAS 5:14

Kunada pay a pinaisubli ni Ciro dagiti alikamen a balitok ken pirak nga innala ni Nebucadnesar iti Templo idiay Jerusalem ket impanna iti templo idiay Babilonia. Inyawat ni Emperador Ciro dagitoy nga alikamen iti maysa a tao nga agnagan Sesbasar a dinutokanna a gobernador ti Juda.

ESDRAS 6:5

Kasta met a dagiti balitok ken pirak nga alikamen nga innala ni Ari Nebucadnesar iti Templo ti Jerusalem nga impanna idiay Babilonia, maisublida iti sigud a lugarda iti Templo ti Jerusalem.”

Jeremias 51:44

Dusaekto ni Bel a didiosen ti Babilonia. Pairuarkonto dagiti sinamsamna. Saanton a mapan agdaydayaw dagiti nasion kenkuana. “Narban dagiti bakud ti Babilonia.

Daniel 1:2

Binay-an ti Apo a matnag ni Ari Jehoyakim iti pannakabalin ni Nebucadnesar; ket pinalubosanna nga agsamsam kadagiti gameng iti Templo. Impan ni Nebucadnesar iti templo dagiti didiosenna idiay Babilonia dagiti innalana a balud. Inkabilna met dagiti gameng iti pagiduldulinan ti templo.

Daniel 5:23

Nagaramidka iti maibusor iti Apo ti langit ket innalam dagiti tasa ken malukong iti Templona. Inusarmo ida a naginumam iti arak a kaduam dagiti ofisialesmo, dagiti assawam ken dagiti kamalalam. Nagdaydayawkayo kadagiti didiosen a naaramid iti balitok, pirak, bronse, landok, kayo ken bato, didiosen a di makakita wenno makangngeg ken awan ammona. Ngem dimo pinadayawan ti Dios a mangtengtengngel iti biagmo ken iti amin nga aramidmo.