ESDRAS 1:2 - Ti Baro a Naimbag a Damag Biblia

² “Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

Ti Biblia (1973)

² Castoy ti cuna ni Ciro nga ari ti Persia, Isu-amin a pagpagarian ti daga inted caniac ni Jehova, a Dios ti langit ket incumitna caniac nga isu ibangonac ti maysa a balay idiay Jerusalem, nga adda sadi Juda.

ESDRAS 1:2 Iomraidhean Croise

1 Ar-ari 8:27

“Ngem pudno kadi, O Dios, nga agnaedka ditoy daga? No bassit ti langit ket dinaka malaon, kasano a malaonnaka daytoy Templo a binangonko?

2 Cronicas 2:12

Madaydayaw koma ti Apo a Dios ti Israel a Namarsua iti langit ken iti daga! Inikkanna ni Ari David iti masirib nga anak, mannakaawat ken nalaing, ket ita, rantana ti mangbangon iti templo nga agpaay iti Apo ken mangbangon iti palasio a pagyananna.

ESDRAS 1:5

Tinignay ti Dios ti puso dagiti papangulo ti familia iti tribu da Juda ken Benjamin, kasta met dagiti papadi ken Levita, agraman dagiti dadduma a tattao. Iti kasta, nagrubbuatda a mapan mangbangon manen iti Templo ni Yahweh idiay Jerusalem.

ESDRAS 3:7

Nangted dagiti tattao iti kuarta a pagtangdan kadagiti kantero ken kadagiti karpintero. Nagpaitulodda met iti taraon, mainum ken lana ti olibo a maipan idiay siudad ti Tiro ken Sidon a sukat dagiti kayo ti sedro ti Libano a maipaanud iti taaw a maipan idiay Joppe. Naaramid amin dagitoy babaen iti palubos ni Ciro nga ari ti Persia.

ESDRAS 4:3

Ngem imbaga da Zerubbabel, Josue ken dagiti papangulo dagiti familia, “Saanmi a masapul ti tulongyo iti panangbangonmi iti templo ti Apo a Diosmi. Dakam a mismo ti mangbangon, ta kasta ti imbilin ni Ciro nga emperador ti Persia.”

ESDRAS 5:15

Imbaga ti emperador kenkuana nga alaenna dagiti alikamen ket isublina iti Templo idiay Jerusalem. Imbagana pay a bangonenna manen ti Templo iti lugar a nakaisaadanna idi.

ESDRAS 6:10

Masapul a maaramid daytoy tapno makaidatagda kadagiti daton a pakaragsakan ti Dios ti langit, ken mabalinda a dawaten ti pammendisionna kaniak ken kadagiti annakko.

ESDRAS 6:3

“Iti umuna a tawen a panagturay ni Emperador Ciro, imbilinna a mabangon manen ti Templo idiay Jerusalem a kas lugar a pakaidatagan dagiti sagut ken daton a mapuoran. Siam a pulo a kadapan ti kangato ket 90 a kadapan ti kaakaba ti Templo.

ESDRAS 7:12

“Naggapu daytoy ken ni Emperador Artaxerxes ket agpaay ken ni Ezra a padi ken masirib iti linteg ti Dios ti langit.

Nehemias 1:4

Idi mangngegko daytoy, nagtugawak ket nagsangitak. Adu nga aldaw a nagladladingitak ket saanak a nangnangan. Nagkararagak iti Dios.

Nehemias 1:5

Kinunak, “Apo a Dios ti Langit! Naindaklanka, ket agbutengkami kenka. Mapagtalkanka ket tungpalem ti katulagam kadagiti tattao nga agayat kenka ken agtungpal kadagiti bilbilinmo.

Dagiti Salmo 136:26

Agyamankayo iti Dios ti langit; agnanayon ti di agbaliw nga ayatna.

Dagiti Salmo 85:2

Dagiti tattaom, pinakawanmo ida; pinunasmot' basbasol ken amin a biddutda.

Dagiti Proverbio 21:1

Nalaka nga idalan ti Apo ti panunot ti ari, a kas iti kalaka ti panangiturongna iti ayus ti waig.

Isaias 41:2

“Siasino ti nangsugsog iti maysa a taga-Daya? Siasino ti mamagballigi kenkuana iti sadinoman a papananna? Siasino ti mangted iti bilegna a mangparmek kadagiti ari ken nasnasion? Patapokenna ida babaen iti kampilanna. Warawaraen ida dagiti panana a kas kadagiti taep nga itayab ti angin.

Isaias 44:26

Ngem no adda ipadto ti adipenko, no mangibaonak iti mangipakaammo kadagiti panggepko, ikagumaak a matungpal dagita a plano ken padto. Ibagak iti Jerusalem nga addanto manen tattao nga agnaed sadiay. Ibagak met kadagiti siudad ti Juda a mabangondanto manen. Manipud kadagiti rebrebba, tumakderto dagitoy a siudad.

Isaias 44:28

Kunak ken ni Ciro, ‘Sika ti tudingak nga agturay, aramidemto ti kayatko nga aramidem; ibilinmonto a mabangon manen ti Jerusalem ken maisaad ti fondasion ti Templo.’”

Isaias 45:1

Ni Ciro ti ari a pinili ni Yahweh! Dinutokanna a mangparmek kadagiti nasion, imbaonna a mangparukma kadagiti nabileg nga ari; ilukatto ni Yahweh kenkuana dagiti ruangan dagiti siudad. Kuna ni Yahweh ken ni Ciro,

Isaias 66:1

Kuna ti Apo, “Ti langit ti tronok ket ti daga ti pagbatayak. Ania ngarud a kita ti balay ti mabalinyo a bangonen nga agpaay kaniak? Ania a kita ti lugar ti mabalinyo nga isagana a pagnaedak?

Jeremias 10:11

Dakayo a tattao, ibagayo kadagiti didiosen a madadaeldanto ket awandanton iti uray ania a paset ti lubong. Saanda nga inaramid ti daga ken ti langit.)

Jeremias 27:5

“Siak, babaen iti dakkel a pannakabalin ken pigsak, pinarsuak ti lubong, ti sangkataoan ken amin nga animal ditoy daga. Mabalinko nga ited ti lubong iti siasinoman a kayatko a pangtedan.

Jeremias 29:10

“Kuna ti Apo, ‘Inton maturpos ti Babilonia ti pitopulo a tawenna, sarungkarankayto ket yawidkayo, kas inkarik kadakayo.

Daniel 1:21

Nagserbi ni Daniel iti palasio agingga a sinakup ni Ciro nga emperador ti Persia ti Babilonia.

Daniel 2:21

Iturayanna dagiti panawen ken tiempo; isu ti mangisaad ken mangikkat kadagiti ari. Ikkanna dagiti tattao iti sirib ken pannakaawat.

Daniel 2:28

Ngem adda Dios sadi langit a makaibaga kadagiti palimed. Impakaammona kenka, Natan-ok nga Ari, ti mapasamak iti masakbayan. Daytoy ti tagtagainep, ti parmatam idi matmaturogka.

Daniel 4:25

Maibellengkanto iti tay-ak ket agyankanto sadiay a kaduam dagiti atap nga animal. Pitonto a tawen a mangmanganka iti ruot a kas iti baka ken maturog iti ruar a malinlinnaawan. Kalpasanna, annugotemto nga iturayan ti Dios a Kangatoan ti amin a pagarian ti tao ken mabalinna nga isaad nga ari ti siasinoman a pilienna.

Daniel 4:32

Mapagtalawkanto iti arpad dagiti tattao. Pitonto a tawen a makipagnaedka kadagiti atap nga animal ket mangankanto iti ruot a kas iti baka. Kalpasanna, annugotemto nga iturayan ti Kangatoan a Dios ti amin a pagarian dagiti tattao ket mabalinna nga ited dagitoy a pagarian iti siasinoman a pilienna.”

Daniel 5:23

Nagaramidka iti maibusor iti Apo ti langit ket innalam dagiti tasa ken malukong iti Templona. Inusarmo ida a naginumam iti arak a kaduam dagiti ofisialesmo, dagiti assawam ken dagiti kamalalam. Nagdaydayawkayo kadagiti didiosen a naaramid iti balitok, pirak, bronse, landok, kayo ken bato, didiosen a di makakita wenno makangngeg ken awan ammona. Ngem dimo pinadayawan ti Dios a mangtengtengngel iti biagmo ken iti amin nga aramidmo.

Daniel 6:25

Nagsurat ni Ari Dario kadagiti tattao ti nadumaduma a puli ken pagsasao iti entero a daga. Kinunana: “Napateg a kailiak.

Jonas 1:9

Kinuna ni Jonas, “Maysaak a Hebreo. Agdaydayawak iti Apo a Dios ti langit a namarsua iti taaw ken iti daga.”