Eclesiastes 4:1 - Ti Baro a Naimbag a Damag Biblia

¹ Makitak manen dagiti amin a pannakairurumen a maar-aramid ditoy lubong. Agsasangit dagiti mailupitlupit ket awan ti tumulong kadakuada. Awan tumulong kadakuada gapu ta adda bileg kadagiti mangidadanes kadakuada.

Ti Biblia (1973)

¹ Idin nagbawingac ket nakitac amin a pammarigat a maaramid iti baba ti init; ket adtoy, dagiti lulua dagiti naparigat, ket isuda awananda iti mangliwliwa; ket iti biang dagiti mangparparigat cadacuada adda idi pannacabalin; ngem awan ti mangliwliwa cadacuada.

Eclesiastes 4:1 Iomraidhean Croise

Ti Libro ni Job 16:4

No dakayo ti adda iti lugarko, mabalinko met a sawen ti ibagbagayo. Mabalinkay met a wingiwingan, layusenkayo iti adu a sao.

Ti Libro ni Job 35:9

Agasug dagiti tattao no maidadanesda, umawagda iti mangisalakan kadakuada.

Ti Libro ni Job 6:29

Baliwanyo ti panunotyo ket umisu koma ti pangngeddengyo; didak ukomen, ta awan dakes a naaramidko.

Ti Libro ni Job 9:24

Inyawat ti Dios ti lubong kadagiti managdakdakes. Kinullaapanna ti mata dagiti amin nga ukom. No saan a ti Dios ti akin-aramid iti daytoy, siasino ngarud?

Dagiti Salmo 12:5

“Ngem itan,” kuna ni Yahweh, “umayak, ta mailupitlupit dagiti marigrigat; dagiti maidaddadanes nasaem ti asugda. Itdekto ti talged a tartarigagayanda.”

Dagiti Salmo 142:4

Tumalliawak iti sikigak, ket makitak nga awan tumulong kaniak. Awan mangsalaknib ken mangisakit kaniak.

Dagiti Salmo 142:5

O Apo, umasugak kenka iti tulong. Sika, O Apo, ti salaknibko, ditoy a biag sika laeng ti masapulko.

Dagiti Salmo 42:3

Aldaw-rabii nga agsangsangitak, ket pannakataraonko dagiti luluak. Kanayon a saludsoden dagiti kabusorko, “Sadino ti ayan ti Diosmo?”

Dagiti Salmo 42:9

Kunak iti Dios a salaknibko, “Apay a linipatannak? Apay a di agsarday ti panagsagabak iti kinaranggas dagiti kabusorko?”

Dagiti Salmo 69:20

Gapu iti pannakaum-umsi, nagdara toy puso, ket ti naan-anay a namnamak napukawko. Nangnamnamaak iti asi ngem awan nangngaasi kaniak; nagur-urayak iti pannakaliwliwa ngem naupayak.

Dagiti Salmo 69:21

Inikkandak iti sabidong idi mabisinak; pinainumdak iti suka idi mawawak.

Dagiti Salmo 80:5

Tinaraonannakam iti lua, adu a lua ti impainummo kadakami.

Exodo 1:22

Imbilin ti ari ti Egipto kadagiti amin nga iturayanna nga ibellengda iti karayan Nile ti amin a kaippasngay a lallaki a Hebreo, ngem palubosanda nga agbiag dagiti babbai.

Dagiti Proverbio 19:7

Ti napanglaw saan a pagan-ano uray dagiti kakabsatna; di mapilaw nga awan ti gayyemna. Uray ania ti aramidenna, awan ti maawisna a gayyemna.

Dagiti Proverbio 28:3

Ti agturay a mangidadanes kadagiti napanglaw, mayarig iti bumayakabak a tudo a mangdadael kadagiti mula.

Dagiti Proverbio 29:2

Ipakitam kaniak ti agturay a nalinteg, ket ipakitak kenka dagiti naragsak a tattao. Ipakitam kaniak ti agturay a managdakdakes, ket ipakitak kenka dagiti saan a naragsak a tattao.

Eclesiastes 3:16

Saan la a daytoy. Nadlawko pay nga iti daytoy a lubong, masarakam ti kinadakes iti lugar a rumbeng nga adda hustisia ken kinalinteg.

Eclesiastes 5:8

Dika masdaaw no makitam nga idadanes ti gobierno dagiti napanglaw ket ipaidamna kadakuada ti hustisia ken dagiti kalinteganda. Salakniban ti tunggal agturay dagiti ofisiales iti babaenna; ket salakniban ida dagiti nangatngato nga agturay.

Eclesiastes 7:7

No agkusit ti masirib, minamaag ti aramidna. No umawatka iti pasuksok, madadael ti katataom.

Eclesiastes 8:9

Nakitak amin daytoy idi am-amirisek ti kaipapanan ti amin a mapaspasamak ditoy lubong; wen, ditoy lubong a pagnaedan ti sumagmamano a tattao nga adda pannakabalinna ket masapul nga agsagaba dagiti dadduma iti babaenda.

Isaias 5:7

Ti Israel ti kaubasan ni Yahweh a Mannakabalin-amin; dagiti taga-Juda ti ubas nga immulana. Ninamnamana a naimbag ti aramidenda, ngem panagpapatay ketdi ti inaramidda. Ninamnamana a nalinteg ti aramidenda, ngem immawag iti hustisia dagiti indadanesda!

Isaias 51:23

Itedkonto kadagiti nangparparigat kadakayo, kadagiti nangipaidda kadakayo kadagiti kalsada, ket kaskayo la rugit a binaddebaddekanda.”

Isaias 59:7

Kanayon nga agpanggepkayo iti dakes, ket agganatkayo a mangibanag. Dikay bumdeng a mangpapatay iti tao nga awan basolna. Iti sadinoman a papananyo, riribuk ken pannakadadael ti iwayatyo.

Jeremias 16:7

Awanto ti makipangan wenno makiinum iti siasinoman tapno liwliwaenna inton matay ti ipatpategna. Awanto ti mangngaasi iti siasinoman, uray pay iti nagpasina iti ama wenno inana.

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 1:17

“Nagpatulongak ngem awan ti tumulong kaniak. Nangayab ti Apo kadagiti kabusor tapno lawlawendak. Narugit a nisnis ti nangibilanganda kaniak.

Dungdung-aw 1:2

Agpatpatnag nga agsangsangit, agar-arubos dagiti luana. Kadagiti nangay-ayat kenkuana, awanen natda a mangliwliwa. Liniputan dagiti gagayyemna, nagbalinda amin a kabusorna.

Dungdung-aw 1:9

Nalaka idi a makita ti kinarugitna. Ngem dina inkankano ti pagbanaganna. Nakaal-alliaw ti pannakaparmekna, awan makaliwliwa kenkuana. Nagballigi dagiti kabusorna, ket agdawat ken ni Yahweh iti panangngaasina.

Amos 3:10

Kuna ni Yahweh, “Saan nga ammo dagitoy a tattao ti agaramid iti nalinteg. Agipempenda kadagiti palasioda kadagiti tinaktakawda ken innalada babaen iti panagranggas.

Amos 3:9

Ipakdaaryo kadagiti agnaed kadagiti palasio ti Asdod ken ti Egipto: “Aguummongkayo kadagiti bambantay iti lawlaw ti Samaria ket saksianyo ti dakkel a riribuk sadiay ken dagiti kinadakes a maar-aramid iti siudad.”

Malakias 2:13

Ar-aramidenyo pay daytoy: Agsangit ken agdung-awkayo iti altar ti Apo ket lapunosenyo iti lua gapu ta dina awatenen dagiti idatonyo kenkuana.

Malakias 3:18

Makitanto manen dagiti tattaok ti paggiddiatan ti mapasamak iti tao a nalinteg ken ti managdakdakes, ti agserbi kaniak ken ti saan.”

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

San Mateo 26:56

Ngem maaramid amin dagitoy tapno matungpal ti sinao dagiti profeta a nailanad iti Nasantoan a Surat.” Nagtataray amin dagiti adalan ket binaybay-anda ni Jesus.

Deuteronomio 28:33

Alaento ti ganggannaet a nasion dagiti amin nga apit a nagbambannoganyo ngem awanto ti maipaay kadakayo no di pasig a pannakaidadanes ken pannakaparparigat.

Deuteronomio 28:48

Agserbikayto ngarud kadagiti kabusor nga ibaon ti Apo a manggubat kadakayo. Mabisinan, mawaw, ken lamolamokayto. Nakakaasikayto. Nakaronto ti panangidadanes dagiti kabusor kadakayo agingga a mataykayo amin.

Santiago 5:4

Diyo pay tinangdanan dagiti pinagtrabahoyo. Denggenyo dagiti angalda. Dimmanonen iti Dios, ti Apo a Mannakabalin-amin, ti ikkis dagiti pinaganiyo.

Uk-ukom 4:3

Adda 900 a lugan a pakigubat ni Jabin. Naranggas unay ti panangiturayna kadagiti Israelita. Pinarigatna ida iti uneg ti 20 a tawen. Idi agangay, nagpatulongda ken ni Yahweh.