Eclesiastes 2:3 - Ti Baro a Naimbag a Damag Biblia

³ Gapu iti tarigagayko a sumirib, napanunotko ti agragsak babaen iti arak ket aglinglingayak. Impagarupko a daytoy ti kasayaatan nga aramiden dagiti tattao bayat ti ababa a panagbiagda ditoy daga.

Ti Biblia (1973)

³ Siac sinukimatco itoy pusoc no casano ti panangparagsac ti arac iti lasagco, ti puso pay laeng a mangidalan caniac a sisisirib, ken no casano ti panangpetpetco iti kinamaag, agingga, iti makitac coma idi no ania ti naimbag a maipaay cadagiti annac dagiti tattao tapno aramidenda coma iti baba ti langit iti amin nga al-aldaw ti biagda.

Eclesiastes 2:3 Iomraidhean Croise

Genesis 47:9

Insungbat ni Jacob, “Aganay a sangagasut ket tallopulo a tawenen nga agalla-allaak iti rabaw ti daga. Bassit ken narigat dagiti tawen a panagbiagko, saan a kas kapaut ti panagbiag dagiti kapuonak.”

Ti Libro ni Job 14:14

No matay ti tao, agbiagto aya manen? Ngem urayek ti nasaysayaat a tiempo agingga nga agpatingga daytoy agdama a rigatko.

Dagiti Salmo 104:15

Agaramid iti arak a mangparagsak kenkuana, lana ti olibo a mangparaniag iti rupana agraman tinapay a mangted iti pigsana.

Dagiti Proverbio 20:1

No makaadum ti uminum iti arak, nangalawngawka ket agbalinka a maag. Maysa a kinamaag ti agbartek.

Eclesiastes 1:17

Inkeddengko nga adalen ti paggiddiatan ti pannakaammo ken kinamaag, kinasirib ken kinamauyong. Ngem natakuatak a kasko la kamkamaten ti angin.

Eclesiastes 10:19

Pagragsakennaka ti panagrambak ket liwliwaennaka ti arak ngem dimo magun-od dagitoy no awan kuartam.

Eclesiastes 12:13

Kalpasan amin dagitoy, maymaysa laeng ti mabalin a sawen: Agbuteng ken agdaydayawka iti Dios ket tungpalem dagiti bilbilinna ta daytoy ti pakabuklan ti pagrebbengan ti tao.

Eclesiastes 2:24

Awanen ti nasaysayaat nga aramiden ti maysa a tao no di mangan ken uminum ket nanamenna ti nagbambannoganna. Uray daytoy, nabigbigko nga agtaud iti Dios.

Eclesiastes 5:18

Adtoy ti natakuatak: ti kasayaatan nga aramiden ti tao isut' pannangan ken panaginum ket lak-amenna ti nagbannoganna bayat ti ababa a panagbiagna nga inted ti Dios. Daytoy ti gasat ti tao.

Eclesiastes 6:12

Kasano ti pannakaammo ti siasinoman no ania ti kasayaatan a banag nga agpaay iti maysa a tao iti daytoy ababa, awan serserbina a biagna—biag nga agpukaw a kas iti anniniwan? Siasino ti makaibaga no ania ti mapasamak iti lubong kalpasan ti ipapatayna?

Eclesiastes 7:18

Dika unay aglablabes. No agdayaw ken agbutengka iti Dios, agballigika met laeng.

Eclesiastes 7:25

Ngem impamaysak a gun-oden iti pannakaammo ken panagadal. Inkeddengko a biroken ti kinasirib ken dagiti sungbat dagiti saludsodko ken ammoen ti kinadakes ken kinamaag ti kinanengneng.

Eclesiastes 8:15

Ngarud, patiek unay a rumbeng nga agragsak ti tao. Mangan, uminum ken aglang-ay laeng ti aramidenna iti daytoy a biag. Daytoy ti mabalinna nga aramiden iti baet ti panagtrabahona bayat ti inted ti Dios a panagbiagna ditoy lubong.

San Mateo 6:24

“Awan ti makapagserbi iti dua nga appo: ta guraenna ti maysa ket ayatenna ti sabali, wenno agserbi a sipupudno iti maysa ket umsienna ti sabali. Diyo mapaggiddan a pagserbian ti Dios ken ti sanikua.”

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

Uk-ukom 9:13

“Ngem insungbat ti ubas, ‘Tapno maiturayankayo, kasapulan nga isardengkon ti agparnuay iti arakko a mangparagsak kadagiti didiosen ken iti tao.’

1 Samuel 25:36

Idi agawid ni Abigail iti balayda, nadanonna nga adda parambak nga inangay ni Nabal. Kasla parambak ti ari ti inangayna. Nabartek ni Nabal ket kasta unay ti ragsakna, isu a pulos nga awan imbagbaga ni Abigail kenkuana agingga iti bigat.