Eclesiastes 2:1 - Ti Baro a Naimbag a Damag Biblia

¹ Inkeddengko a pagustoak ti bagik ket ammoek no ania ti ragsak. Ngem natakuatak nga uray daytoy awan serserbina.

Ti Biblia (1973)

¹ Kinunac iti pusoc, Umayca ita, padasencanto babaen ti panagragsac; gapuna nga agrag-oca iti ragsac: ket, adtoy, daytoy met kinabarengbareng.

Eclesiastes 2:1 Iomraidhean Croise

Genesis 11:7

Bumabatayo ket kirokiroentayo ti pagsasaoda tapno dida agkikinnaawatan.”

2 Ar-ari 5:5

Kinuna ti ari, “Inka iti ari ti Israel ket itedmo kenkuana daytoy a surat.” Nagrubbuat ngarud ni Naaman. Nangitugot iti 30 a bagi ti pirak, 6,000 a bagi ti balitok ken sangapulo a napipintas a pagan-anay a pagsukatan.

Dagiti Salmo 10:6

Kunana iti bagina, “Diakto pulos maan-ano; diakto mariribuk uray inton kaano.”

Dagiti Salmo 14:1

“Awan Dios,” kuna ti maag iti pusona. Rinukerda amin ken makarimon dagiti aramidda; awan ti uray maysa nga agaramid iti naimbag.

Dagiti Salmo 27:8

Idi kinunam, “Umaykayo kaniak,” insungbatko, “Umayak, O Apo.”

Dagiti Proverbio 14:13

Mabalin nga ilinged ti liday babaen iti katawa. Ngem no awanen ti ragsak, adda latta ladingit.

Eclesiastes 11:9

Agtutubo, agpennekkayo a mangpalabas iti kinaagtutuboyo. Agragsakkayo bayat ti kinaubingyo. Aramidenyo ti kayatyo nga aramiden ket surotenyo ti tarigagay ti pusoyo. Ngem laglagipenyo, ukomennakayto ti Dios iti aniaman nga aramidenyo.

Eclesiastes 2:10

Nagun-odko amin a tinarigagayak. Inaramidko ti amin a kinaykayatko a pagragsakan. Wen, impannakkelko amin nga inaramidko ket daytoy ti gunggonak.

Eclesiastes 2:15

Kinunak iti bagik, “Mapasamak met kaniak ti mapasamak kadagiti maag. Ania ngarud ti serserbi ti kinasiribko?” “Awan,” insungbatko. “Pulos nga awan.”

Eclesiastes 2:25

No awan ti Dios, kasano a maaddaanka iti taraon wenno mabalinmo ti agragsak?

Eclesiastes 7:4

Maag ti maysa a tao a kanayon a mangpampanunot iti maipapan iti ragsak. Maipapan iti patay ti pampanunoten ti masirib.

Eclesiastes 8:15

Ngarud, patiek unay a rumbeng nga agragsak ti tao. Mangan, uminum ken aglang-ay laeng ti aramidenna iti daytoy a biag. Daytoy ti mabalinna nga aramiden iti baet ti panagtrabahona bayat ti inted ti Dios a panagbiagna ditoy lubong.

Isaias 5:5

“Kastoy ti aramidek iti kaubasak. Ikkatek dagiti mula a pannakaaladna. Rebbaek ti bakudna ket bay-ak nga araben ken payatpayaten dagiti atap nga animal.

Isaias 50:11

Dakayo nga agpanggep a mangdadael iti padayo a tao ti panggepyonto met laeng ti pakadadaelanyo! Ti Apo ti mangdusanto kadakayo; nakaay-ay-ayto ti pagbanaganyo.

Isaias 50:5

Inikkannak ti Apo iti pannakaawat, ket diak nagsukir wenno simmina kenkuana.

San Lucas 12:19

Ket kunakto iti bagik: ‘Naggasatkan, bagi, ta adda amin a masapulmo iti adu a tawen. Aginanaka, manganka, uminumka, ket agragsakka.’

San Lucas 16:19

“Adda idi maysa a baknang a kanayon a sikakawes kadagiti agkakangina a lupot. Inaldaw met nga agbibiag a sibubuslon.

San Lucas 16:23

Idi agsagaba iti napalalo idiay Hades, timmangad ket nakitana ni Abraham nga adda iti adayo agraman ni Lazaro iti abayna.

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.

Santiago 4:13

Ita, denggendak, dakayo nga agkuna: “Ita wenno inton bigat, agbiahekaminto iti maysa a siudad. Agnaedkaminto sadiay iti makatawen. Agnegosiokaminto ket adunto ti maganansiami.”

Santiago 5:1

Ita, denggendak, dakayo a babaknang! Agsangit ken agdung-awkayo gapu kadagiti didigra a mapagtengyonto.

Santiago 5:5

Ditoy daga, nagbiagkayo a naglaplapunosan iti nam-ay ken ragsak. Nagpalukmegkayo a maisagana iti kaaldawan ti panagparti.