Dungdung-aw 5:7 - Ti Baro a Naimbag a Damag Biblia

⁷ Nagbasol dagidi kapuonanmi ket ita awandan, ngem dakami ti agsagaba kadagiti basolda.

Ti Biblia (1973)

⁷ Dagiti ammami nagbasolda, ket awandan; ket inawitmi dagiti kinadakesda.

Dungdung-aw 5:7 Iomraidhean Croise

Genesis 42:13

“Sangapulo ket duakami a lallaki nga agkakabsat,” insungbatda. “Maymaysa ti amami ket agnaed iti daga ti Canaan. Natayen ti maysa a kabsatmi. Nagbati ti inaudi a kabsatmi iti ayan ni tatangmi.”

Genesis 42:36

Kinuna ti amada, “Kayatyo kadi a mapukawko ti amin nga annakko? Awanen ni Jose. Awan metten ni Simeon. Ita, kayatyo manen nga ipanaw ni Benjamin. Siak ti agsagaba.”

Ti Libro ni Job 7:21

Dimo la aya mapakawan ti basolko? Di la mabalin a punasem dagiti labsingko? Agiddaakton iti katapokan, ket no sapulennak awanakton a mabirokam.

Ti Libro ni Job 7:8

Addaak pay la ita, ngem didakton makita. No birokendak, didakton masapulan.

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Jeremias 14:20

Nagbasolkami kenka, O Apo; ipudnomi dagiti basbasolmi agraman dagiti kapuonanmi.

Jeremias 16:11

Ibagamto kadakuada a kastoy ti kunak, ‘Linaksiddak dagiti kapuonanyo ket nagserbi ken nagdaydayawda kadagiti sabali a dios. Saanda a tinungpal dagiti pannursurok.

Jeremias 16:12

Ngem dakdakes pay ti inaramidyo ngem dagidi kapuonanyo. Nasukir ken dakeskay amin ket saankay a nagtulnog kaniak.

Jeremias 31:15

Kuna ni Yahweh, “Idiay Rama mangngeg ti arimbangaw, nasaem a sangsangit ken dungdung-aw. Dungdung-awan ni Raquel dagiti annakna, agsangsangit ket dina kayat ti maliwliwa, ta nataydan amin a padapada.

Jeremias 31:29

Inton umay dayta a tiempo, saanton a kuna dagiti tattao, ‘Naalsem nga ubas ti kinnan dagiti kapuonan, ngem dagiti annakda ti naalino.’

Ezekiel 16:58

Masapul nga agsagabaka gapu kadagiti naalas ken nakababain nga inaramidmo.” Daytoy ti kuna ti Apo.

Ezekiel 18:2

Kinunana, “Ania ti kaipapanan daytoy a pagsasao dagiti tattao iti daga ti Israel? ‘Kinnan dagiti nagannak dagiti naalsem nga ubas, Ngem dagiti ngipen dagiti annak ti naalino.’”

Zacarias 1:5

Ita, natayen dagidi kapuonanyo ken dagiti profeta.

Numero 14:18

‘Siak, ni Yahweh, saanak a nalaka nga agpungtot. Ipakitak ti naindaklan nga ayat ken kinapudnok, ket pakawanek ti basol ken panagsukir. Nupay kasta, dusaek dagiti annak ken appoko agingga iti maikapat a kaputotan gapu kadagiti basol dagiti nagannak kadakuada.’